Fréttablaðið - 10.12.2009, Qupperneq 80

60 10. desember 2009 FIMMTUDAGUR
Tónlist ★★★★
Snorri Helgason
I‘m Gonna Put My Name On Your Door
Fyrirtaks frumraun
Snorri Helgason hefur sannað það með
Sprengjuhöllinni að hann er fyrirtaks
lagasmiður sem fer létt með að hrista fram
úr erminni grípandi lög. Á fyrstu sólóplötu
sinni fetar hann gamalgrónar þjóðlaga- og blússlóðir með áhugaverðum
árangri. Þetta er heldur lágstemmdari tónlist en Sprengjuhöllin er þekkt fyrir
en alls ekkert síðri. Lögin eru nær öll prýðisvel samin og Snorri virðist eiga
alveg jafnauðvelt með að syngja hressilegt popp og angurværan sveitasöng.
Annað lag plötunnar, Freeze-Out, er í fyrrnefnda flokknum en eins og farið
er að tíðkast töluvert nú til dags heyrðist það í sjónvarpsauglýsingu áður en
það fór að hljóma að ráði á öldum ljósvakans. Queen Street er á svipuðum
slóðum og minnir stundum á hina ágætu írsku sveit The Thrills. Kassagítar-
inn er plokkaður skemmtilega í She‘s a Meadow og hið fallega Misery er í
sannkölluðum Beach Boys-anda. Snorri sannar á I‘m Gonna Put My Name
On Your Door að hann er einn af okkar hæfileikaríkustu tónlistarmönnum.
Flott frumraun.
Freyr Bjarnason
Niðurstaða: Snorri er einn af okkar hæfileikaríkustu tónlistarmönnum. Flott
frumraun.
Rapparinn 50 Cent hefur lýst því yfir að hann vilji
syngja dúett með Britain‘s Got Talent-stjörnunni
Susan Boyle. Samvinna rapparans og Boyle myndi
eflaust teljast frekar ólíkleg, en eins og fram
hefur komið hefur Boyle slegið sölumet með
fyrstu breiðskífu sinni I Dreamed a Dream.
Í viðtali við fjölmiðla vestanhafs segist 50
Cent ólmur vilja samstarf. „Susan Boyle
er heit akkúrat núna. Ég þarf að fá
hana til að taka upp lag með mér,
við myndum gera hittara. Það
eru allir að tala um hana og hún
er með magnaða rödd. Saman mynd-
um við fá fólk til að dansa. Ég er alltaf
að leitast eftir að gera eitthvað nýtt og
hún er svöl,“ útskýrir rapparinn og seg-
ist einnig vilja bjóða Boyle út á lífið.
„Ég myndi elska að bjóða henni á næt-
urklúbba og gefa henni innsýn í minn
heim. Hún myndi skemmta sér kon-
unglega,“ segir 50 Cent.
50 vill dúett með Boyle
VILL GERA DÚETT Rapparinn 50 Cent vill
ólmur gera dúett með Susan Boyle og
bjóða henni út á lífið.
Fréttir um framhjáhald hins heimfræga kylfings Tiger Woods
hafa ratað á forsíður fjölda dagblaða undanfarnar vikur. Frétt-
irnar vöktu nokkra undrun meðal manna því hingað til hefur
ímynd Woods verið nánast fullkomin. Kylfingurinn er þó ekki sá
fyrsti frægi sem hefur stigið slíkt feilspor og rifjar Fréttablaðið
upp nokkur fræg slík mál.
Frægustu framhjáhöldin
GÓMAÐUR
Breski leikarinn Hugh Grant var gómaður
með bandarískri vændiskonu árið 1995. Hann
var þá í sambandi með fyrirsætunni Eliz-
abeth Hurley. Málið vakti mikla athygli
á sínum tíma en endaði þó ekki með
skilnaði þeirra Hurley og Grants því
þau héldu sambandi sínu áfram í
nokkur ár.
Á BAK VIÐ TJÖLDIN
David Letterman ákvað að
viðurkenna framhjá-
hald sitt í spjallþætti
sínum í haust. Þar
sat hann og sagði
áhorfendum frá því
að hann hefði átt í
tygjum við samstarfs-
konu sína í nokkur ár
á meðan salurinn hló
þvingað að bröndurum
spjallþáttakonungs-
ins. Framhjáhaldið kom
mörgum á óvart, enda
hafði Letterman verið með
sömu konunni í mörg ár.
Kona Lettermans til margra
ára rak hann á dyr en þau
eru sögð vera að vinna í
sínum málum.
ÓTRÚ HVORT ÖÐRU
Jude Law hélt framhjá kærustu
sinni, leikkonunni Siennu
Miller, með barnfóstrunni.
Parið hafði þá verið saman
í tvö ár og batt framhjá-
haldið enda á samband
þeirra. Stuttu síðar tók
Miller aftur við Law en
sambandið entist
stutt og þau ákváðu
að fara hvort sína
leið. Þrátt fyrir
að hafa upplifað
sorgina á bak við
slík svik lét Miller
það ekki stöðva sig
í því að taka saman
við hinn gifta leikara
Balthazar Getty, en
hann yfirgaf konu
sína og börn til að
eyða tíma með Miller.
KÆRÐUR
Körfuboltakappinn Kobe Bryant hélt
framhjá konu sinni með nítján ára
gamalli stúlku sem kærði hann
í kjölfarið fyrir kynferðislegt
ofbeldi. Bryant viðurkenndi
hliðarspor sitt en neitaði
öllum ásökunum um að
hafa beitt stúlkuna
ofbeldi og keypti
demantshring til
að bæta eiginkonu
sinni skaðann.
EKKERT UNGLAMB
Ronnie Wood, meðlimur
hljómsveitarinnar Rolling Stones,
hafði verið giftur Jo Wood í 24
ár þegar hann batt enda á
hjónabandið eftir að
hafa hlaupist á brott
með hinni nítján ára
gömlu Ekaterinu.
Þau hættu saman
fyrr í vikunni eftir
að Wood réðst á
stúlkuna úti á götu
og var handtekinn í
kjölfarið.
FRÆGASTA HLIÐARSPORIÐ
Brad Pitt var giftur leikkonunni Jennifer Aniston þegar hann lék á móti Ang-
elinu Jolie í Mr. and Mrs. Smith. Orðrómur um ástarsamband Pitts og Jolie
á að hafa bundið enda á hjónaband hans og Aniston. Stuttu síðar tóku
Jolie og Pitt saman. Hann hefur ávallt neitað þessum orðrómi en í nýlegu
blaðaviðtali lét Jolie þau orð falla að hún leyfi börnum þeirra að horfa á
umrædda kvikmynd því þar hafi foreldrar þeirra orðið ástfangnir.