Fréttablaðið - 10.12.2009, Page 53

FIMMTUDAGUR 10. DESEMBER 2009 5myndavélar ●
● BAKGRUNNURINN
VALINN Þegar teknar eru
myndir af fólki er mikilvægt
að velja vel bakgrunninn fyrir
myndatökuna. Best er að velja
stað með einföldum bakgrunni.
Þéttur trjágróður, gras eða hafið
virka til dæmis vel. Eftir því sem
hörundið er dekkra þarf bak-
grunnurinn einnig að vera
dekkri til að andlitið verði upp-
lýst.
Hafið sem minnst af
mynstrum og litum. Einfaldleiki
er lykilorðið en einnig getur
verið gott að hafa eitt einkenn-
andi kennileiti.
● EKKI GLEYMA LJÓS-
MYNDARANUM Oft vill það
fara þannig að maðurinn með
myndavélina endar sjaldnast
á mynd sjálfur. Ljósmyndarinn
ætti því öðru hverju að fá vini
og kunningja til að taka við vél-
inni og smella nokkrum mynd-
um af honum sjálfum. Þá er
auðvitað líka hægt að nota þrí-
fót og tímastilli til að ná mynd-
um af hinum sjaldséða ljós-
myndara.
● HIN RÉTTA LÝSING Erf-
itt getur verið að finna rétta lýs-
ingu fyrir mynd. Stundum er
of bjart og stundum of dimmt.
Góð regla er að hafa sólina
ávallt fyrir aftan og á hlið ljós-
myndarans. Ef mjög bjart er úti
er gott að fara með myndefnið í
skuggann því hart sólarljós upp-
litar andlit fólks á myndum.
Stundum getur verið
skemmtilegt að hafa sólina á
bak við fólkið því það getur
myndað nokkurs konar rosa-
baug í gegnum hárið.
Þegar teknar eru myndir
innandyra með SLR (single-lens
reflex) myndavél, er gott að
beina flassinu að vegg þannig
að ljósið endurkastist af honum
og myndi þannig náttúrulegri
lýsingu.
● GÓÐ TASKA ER GULLI BETRI Taska utan um myndavélina er
eitt af því sem nauðsynlegt er að eiga. Ef vélin er stór þarf taskan að vera
það líka og gott er að þar sé pláss fyrir aukarafhlöðu og jafnvel hleðslu-
tæki. Líka snúru til að færa myndirnar inn á tölvuna.
Ef um filmuvél er að ræða verður að gera ráð fyrir
einu hólfi fyrir aukafilmur. Svo er alltaf gott að
geta haft litla vasabók og penna einhvers
staðar nálægt vélinni svo hægt sé að punkta
niður minnisverð atriði í sambandi við
myndatökurnar.
Best er að vélin snúi þannig í tösk-
unni að linsan – með hlíf á – snúi
upp og takkarnir inn að miðju
töskunnar. Þannig verða við-
kvæmir hlutir fyrir minnstu hnjaski.
● LITMYNDIN LÍTUR DAGS-
INS LJÓS Fyrsta litmyndin var tekin
rétt eftir aldamótin 1900 en uppfinn-
ingin var einkaleyfisvarin árið 1903 og
sett á markað 1907. Frönsku bræðurn-
ir Louis Jean og Auguste Marie Louis Ni-
cholas Lumière fundu filmuna upp en
hún var sú eina á markaðnum til ársins
1935 þegar Kodak setti Kodachrome á
markað.
Faðir þeirra Lumière-bræðra rak
ljósmyndastofu sem þeir bræðurnir
störfuðu á en þeir höfðu mikinn áhuga á ljósmyndun og fundu upp
margvísleg tól sem urðu mikilvægir hlekkir í þróunarsögu ljósmynda og
kvikmynda. Litfilma þeirra hlaut nafnið Autochrome Lumière.
Auguste Lumière.