Fréttablaðið - 19.12.2009, Side 18

18 19. desember 2009 LAUGARDAGUR
Loftslagsráðstefnan í Kaupmannahöfn
Víxlar og stutt skuldabréf með ábyrgð íslenska ríkisins.
Sjóðnum er heimilt að fjárfesta allt að 10% í innlánum.
Litlar sveiflur í ávöxtun og enginn binditími.
Hentar þeim sem vilja fjárfesta í þrjá mánuði eða lengur.
Lágmarkskaup 5.000 kr.
Enginn munur á kaup- og sölugengi.
»
»
»
»
»
innlán
ríkisvíxlar og
ríkisskuldabréf90% 10%
RÍKISVÍXLASJÓÐUR
Traustur kostur fyrir einstaklinga og fyrirtæki.
Verðbréfaþjónusta Arion banka
er söluaðili sjóða Stefnis.
Kynntu þér Ríkisvíxlasjóð hjá
starfsfólki verðbréfaþjónustu
Arion banka í síma 444 7000, í
næsta útibúi eða á arionbanki.is/sjodir
Jóhanna Sigurðardóttir forsætisráðherra segir ráð-
stefnuna í Kaupmannahöfn markverða og sýna þann
þunga sem nú sé lagður á loftlagsmál. Því til sönn-
unar sé nóg að nefna þann fjölda þjóðarleiðtoga sem
sótti hana heim.
Óvíst var um útkomuna þegar Fréttablaðið hitti
hana í Bella Center. Hún segir mikla togstreitu hafa
verið á milli iðnríkja og þróunarríkja.
„Þróunarríkin hafa sýnt óbilgirni finnst mér og
tengt eigin losunarmörk um of við fjármagn. Þau
verða að taka skref til að samkomulag náist. Þá
finnst mér Kína og Bandaríkin verða að gefa meira
af sér ef árangur á að nást. Evrópa hefur verið mjög
metnaðarfull og ég hefði viljað sjá meira frá Banda-
ríkjunum. En stórveldin sitja enn við samningaborð
þegar þetta er talað og ekki er vitað hvernig fer. Það
eru þó litlar líkur á lagalega bindandi samningi,“
sagði Jóhanna um kvöldmatarleytið í gær.
Hún segir heiminn ekki hafa efni á að bíða; líf
heimsbyggðarinnar sé undir því komið að árangur
náist í loftslagsmálum. Náist ekki fullnægjandi nið-
urstaða í Kaupmannahöfn eigi að stefna að því að ná
lagalega bindandi samningi í Mexíkó á næsta ári.
Hún segir Íslendinga geta bærilega við unað hvað
sín mál varðar, ekki síst hvað tengingu við markmið
Evrópusambandsins áhrærir. Þá sé endurheimt vot-
lendis og áhersla á endurnýjanlega orkugjafa mik-
ilvæg, ekki síður en kynjajafnrétti. „Við höfum lagt
okkar af mörkum og getum verið bærilega sátt við
okkar hlut.“
Jóhanna Sigurðardóttir segir heiminn ekki hafa efni á að bíða í loftlagsmálum:
Meira þarf frá stórveldunum
Fulltrúum Venesúela, Kúbu og
Bólivíu lá mikið á hjarta á blaða-
mannafundi í dag og létu sér fátt
um finnast þegar skipuleggjend-
ur bentu þeim á að fundartíminn
væri liðinn.
Skipuleggjendur hafa passað vel
upp á fundir standi ekki lengur en
hálftíma og hafa stöðvað ræður
hárra sem lágra. Hugo Chavez,
forseta Venesúela, var misboð-
ið þegar danski starfsmaðurinn
benti honum á að tíminn væri lið-
inn. „Við erum baráttumenn, reyn-
ið að ná okkur héðan.“ Og þegar
Daninn lét ekki segjast bætti hann
í: „Slökktu bara ljósin, við tölum í
myrkrinu. Taktu rafmagnið af og
við notumst við raddböndin!“ Með
það héldu þeir áfram, Evo Mora-
les kinkaði kolli, og Kúbverjinn
útskýrði vandamál við landbún-
að á austurhluta eyjunnar eftir að
loftslag hlýnaði.
Nokkrir leiðtogar Suður-Ameríku:
Við erum baráttumenn
„Hlýnun loftslags af mannavöld-
um er staðreynd, engin bábilja.“
Þessi yfirlýsing sýnir öðrum
fremur hve langt loftlagsmál hafa
færst á undanförnum árum. Það
að forseti Bandaríkjanna, Barack
Obama, fullyrði á þennan veg og
aðrir þjóðarleiðtogar taki í sama
streng, sýnir okkur að búið er að
viðurkenna vandamálið. Og það er
alltaf fyrsta skrefið í átt að lausn.
Sú lausn fæddist ekki hér í Kaup-
mannahöfn, þrátt fyrir að bjart-
sýnustu menn hefðu vonast eftir
því. Kannski var það of mikil
bjartsýni, margir tala þannig nú.
Tekið skal fram þegar þetta er
skrifað að ekki er komin niður-
staða í viðræðurnar. Blaðamanna-
fundum hefur hvað eftir annað
verið frestað og heyrst hefur af
fundum stórveldanna. Upp úr
kvöldmat sátu Bandaríkin og Kína
á rökstólum og jafnvel var búist
við að samkomulag væri í burð-
arliðnum. Hvernig samkomulag
er óvíst nú. Kraftaverk þarf þó
að gerast til að það verði laga-
lega bindandi. Hvort um verður
að ræða pólitíska viljayfirlýsingu
allra leiðtoganna hér, eða einfald-
an ramma um áframhaldandi við-
ræður, skal ósagt látið.
Pólitísk viljayfirlýsing er á
þessari stundu álitin vera ljós í
myrkrinu, sönnun þess að ráð-
stefnan hafi ekki verið misheppn-
uð. Vissulega mun Dönum þykja
það, þeir höfðu vonast til að í
Kaupmannahöfn yrði skrifað undir
samkomulagið sem bjargaði heim-
inum. En, líkt og áður hefur verið
bent á, þá er það vissulega nokkur
árangur ef það tekst að fá 130 þjóð-
arleiðtoga til að lýsa yfir sameigin-
legum vilja sínum. Takist það ekki,
er ljóst að enn er langt í land.
Ásteytingarsteinarnir hafa
verið fjölmargir. Þróunarlönd-
in vilja ekki taka á sig niður-
skurð í útblæstri nema fá bætur
fyrir. Iðnríkin eru tilbúin til bóta-
greiðslna, en hve háar eiga þær
að vera? Bandaríkin og Kína, sem
saman eru með yfir 40 prósent
af útblæstri gróðurhúsaloftteg-
unda, deila um gagnsæi. Banda-
ríkin segja marklaust að semja
um markmið, ef ekki er komið á
fót alþjóðlegu eftirlitskerfi. Kín-
verjar vilja ekki hleypa hverjum
sem er – og allra síst Bandaríkja-
mönnum – í slíkar upplýsingar. Þá
finnst öðrum iðnríkjum Bandarík-
in ekki taka á sig nægilegan sam-
drátt. Bandaríkjamenn eru tilbún-
ir til að draga úr útblæstri um 17
prósent árið 2020 miðað við árið
2005. Það jafngildir 4 prósentum
miðað við árið 1990 og það þykir
Evrópusambandinu, sem er reiðu-
búið til skilyrðislauss 20 prósenta
samdráttar miðað við það ár og að
semja um 10 prósent í viðbót, held-
ur snautlegt.
Spurður hvenær hann reiknaði
með niðurstöðu, sagði Eric Hall,
upplýsingastjóri Sameinuðu þjóð-
anna, að síðast þegar hann var við
þessar aðstæður hafi niðurstaðan
komið klukkan 5 morguninn eftir.
Augljóslega er lítið tillit tekið til
prenttíma Fréttablaðsins.
Von lifir í vonbrigðunum
Allt lítur út fyrir að ekki hafi tekist að ná lagalega bindandi samkomulagi þótt lifi enn von um framhaldið. Í fyrsta skipti settust þjóð-
arleiðtogar niður og viðurkenndu vandamálið sem reyndar á eftir að leysa. Vonast er til að samningar náist á næsta ári.
FORSETAR STÓRVELDANNA Barack Obama forseti Bandaríkjanna og Dmitry Medvedev forsætisráðherra Rússlands ræðast við á
Loftslagsráðstefnunni í Kaupmannahöfn í gær.
FORSÆTISRÁÐHERRA Jóhanna segir þá staðreynd að um 120
þjóðarleiðtogar hafi sótt ráðstefnuna sýna mikilvægi loftslags-
mála. FRÉTTABLAÐIÐ/KÓP
KOLBEINN ÓTTARSSON PROPPÉ
skrifar frá Kaupmannahöfn
kolbeinn@frettabladid.is
HUGO CHAVEZ Lét ekki segjast þegar hann var beðinn að yfirgefa ræðustól í gær.