Fréttablaðið - 19.12.2009, Page 58

58 19. desember 2009 LAUGARDAGUR
SUÐURLANDSSKJÁLFTI 2000
„Suðurlandsskjálftarnir 17. og 21. júní. Hvað er þjóðlegra en stór jarðskjálfti á
sjálfan 17. júní. Jarðskjálftarnir voru svo þjóðlegir að Geysir lifnaði aftur við og
tók að gjósa eftir að hafa legið í dvala í hálfa öld.“
„Hristu vandlega upp í okkur og minntu á það eru til máttarvöld æðri mann-
legum mætti.“
BÚSÁHALDABYLTINGIN 2009
„Einn merkilegasti viðburður Íslandssögunnar. Mótmælendur á götum úti höfðu
þau áhrif að ríkisstjórn féll og minnihlutastjórn var mynduð með hlutleysi Fram-
sóknarflokksins. ... Helstu kröfur búsáhaldabyltingarinnar (burt með stjórnina,
burt með Davíð og nýjar kosningar) náðust fram, en meira vafamál er um
rótttækari uppstokkun stjórnkerfisins sem einnig var ofarlega á baugi í kröfum
mótmælenda.“
„Hún var óhjákvæmileg. Gleymi aldrei eldunum fyrir utan alþingishúsið og takt-
föstum slætti í potta og pönnur. „Vanhæf ríkisstjórn, vanhæf ríkisstjórn.“
ALGJÖR NETVÆÐING 2000-2009
„Þróun Netsins og uppgangur netmiðla hefur gjörbylt fjölmiðlanotkun Íslend-
inga, eins og annarra, og haft gríðarleg áhrif sem enn eiga eftir að vaxa.“
„Í upphafi 21. aldar eru Íslendingar ekki eftirbátar annarra þjóða [í tæknimálum], manna fyrstir að tileinka sér flestar
tækninýjungar og stundum þannig að manni þykir nóg um. Síðastliðin ár hefur állt Ísland netvæðst ef svo má segja.
„Allir“ eru með háhraðatengingu á heimilum sínum og daglegt líf hefur gerbreyst. Þeir sem eru ósammála geta bara
stofnað hóp um það á facebook.“
BAUGSMÁLIÐ 2002-2009
„Baugsmálið. Málið endalausa, sem bíður sennilega enn dóms, – og þá dóms sögunnar. Flestir höfðu skoðanir á því
en fæstir skildu það. Þjóðin skiptist í lið og viðurnefni eins og Baugspennar og Baugsmiðlar komust á flug.“
„Baugsmálið hefst með húsleit efnahagsbrotadeildar ríkislögreglustjóra í höfuðstövðum Baugs, vegna gruns um
efnahagsbrota í kjölfar kæru Jóns Geralds Sullenberger. Þjóðin skiptist í fylkingar með eða á móti Baugsmönnum eða
með á móti Davíð Oddssyni. Reyndar sátu flestir hjá og fylgdust með í forundran jafnframt því að reynt var að skilja
hvað gekk á ... Svo komu dómar og áfrýjanir og þvælingur milli héraðsdóms og hæstaréttar og málið virtist aldrei endi
taka. Ákæruliðum var vísað frá og aðrir teknir upp í staðin. Þegar loksins kom dómur var flestum orðið nákvæmlega
sama.
DAVÍÐ HÆTTIR Í STJÓRNMÁLUM 2005
„Maðurinn sem hafði verið aðalleikarinn á hinu pólit-
íska sviði svo árum skipti steig til hliðar og settist að í
Seðlabankanum. Það má svo sem deila um hvort Davíð
geti nokkurn tímann hætt í pólitík, en haustið 2005
átti formlegum afskiptum hans af stjórnmálum í það
minnsta að ljúka.“
„Það virtist sem stór atburður væri á ferðinni,
að Davíð Oddsson væri að hætta í stjórnmál-
um. Fjórum árum síðar kom í ljós að þessi
tímasetning var bara blekking og að Davíð
hætti aldrei.“
SILFURVERÐLAUN HAND-
BOLTALANDSLIÐSINS Á ÓLYMP-
ÍLEIKUNUM 2008
„Árangur karlalandsliðsins í handknattleik á
Ólympíuleikunum í Beijing 2008 verður lengi í
minnum hafður. ... í íþróttasögunni er eins glæsi-
legt afrek vandfundið. Og mikið hefði nú verið
gott ef landinn hefði aðeins bundið sitt heilbrigða
þjóðarstolt við strákana okkar en ekki misvitra
útrásarvíkinga sem þóttust klárari en allir aðrir.“
„Þótt áður hefðu Íslendingar komist á
verðlaunapall í einstaklingsgreinum á Ólymp-
íuleikum, er almennt viðurkennt að verðlaun
í hópíþrótt standi skör hærra. Landinn fór á
límingunum og þjóðhátíð var slegið upp þegar
liðið kom til landsins.“
Guðni Th. Jóhannesson sagnfræðingur, Gunnar Helgi Kristinsson stjórnmálafræðingur, Katrín Ólafsdóttir viðskipta-
fræðingur, Páll Valsson rithöfundur, Svanhildur Hólm framkvæmdastjóri, Svanborg Sigmarsdóttir stjórnmálafræðingur,
Vilhjálmur Þorsteinsson fjárfestir, Ósk Vilhjálmsdóttir myndlistarmaður.
➜ ÁLITSGJAFAR
FRAMKVÆMDIR VIÐ KÁRA-
HNJÚKA 2002-2007
„Vandfundið annað verkefni
sem hægt er að gagnrýna á jafn-
marga vegu: út frá náttúruvernd-
arsjónarmiði, vegna þenslu- og
ruðnings áhrifa, leyndar yfir verði á
raforkuverði og þar með arðsemi
verkefnisins, fárra framtíðarstarfa.“
„Virkjunin sjálf var og er vissulega
stórvirki, en deilurnar og lætin í
kringum hana voru ekki minni. Allt
í einu hafði fólk, sem ekki vissi einu
sinni hvernig heiðagæs leit út, miklar
skoðanir á varplöndum og heill
gæsarinnar, sem og verndun þessa
hrjóstruga landsvæðis sem fæstir
höfðu sennilega gert sér grein fyrir
að væri ein dýrmætasta náttúruperla
landsins. Eða þannig.“
„Afleiðingar framkvæmdanna
við Kárahnjúka eru aðallega tvenns
konar. Annars vegar varð til hópur
mótmælenda sem reyndi að ganga
sífellt lengra í borgaralegri óhlýðni,
og Íslendingar vöndust mótmælum.
Hins vegar voru það efnahagslegu
mistökin og þenslan sem af fram-
kvæmdunum varð sem ýtti undir
fjármálabóluna hér á landi.“
SYNJUN FORSETA Á AÐ RITA
UNDIR FJÖLMIÐLALÖG 2004
„Þetta voru tímamót að því leyti að
aldrei áður hafði forseti orðið við
áskorunum um að gera slíkt. Þeirri
skoðun hafði jafnvel verið hreyft að
hann hefði ekki sjálfstæðan rétt til
að synja um undirskrift heldur gæti
einungis gert slíkt að tilmælum
ráðherra.“
„Forsetinn beitti synjunarheimild
26. gr. stjórnarskrár Íslands í fyrsta
sinn, nokkuð sem ýmsir lögspek-
ingar töldu óhugsandi og bakaði
sér enn meiri óvild sjálfstæðis-
manna, sem var þó ærin fyrir.
Mörgum þótti þetta staðfesting á
þýlyndi forsetans við Baug og miðla
hans. Davíð kom með krók á móti
bragði og felldi fjölmiðlalögin sem
forsetinn hafnaði úr gildi, svo aldrei
kom til þess að þjóðin greiddi um
það atkvæði.“
„Þjóðin vaknaði líka upp við það
að ekki voru fyrir hendi lög um
þjóðaratkvæðagreiðslu, líkt og kraf-
ist er í stjórnarskránni þegar forseti
synjar staðfestingu. Þjóðin bíður
enn eftir slíkum lögum.“
EINKAVÆÐING BANKANNA
2002
„Upphaf góðærisins og forspá um
illan endi þess. Misheppnaðasta
aðgerð ríkisstjórna Davíðs og Hall-
dórs.“
„Einkavæðing bankanna var eitt
stærsta skrefið í því að færa vald frá
stjórnmálamönnum í hendur atvinnu-
lífsins og einkaaðila og engin önnur
einkavæðing hafði jafn afdrifaríkar
afleiðingar fyrir skiptingu auðs hér á
landi. Í gegn um fjármagn frá þessum
ný-einkavæddu bönkum (og Glitni,
sem var þá þegar einkavæddur)
kepptust nýir eigendur bankanna við
að kaupa upp íslenskt atvinnulíf og
gömlu fjölskyldurnar sem höfðu ráðið
hér lögum og lofum stóðu gáttaðar
eftir og skildu vart hvað hafði gerst.“
„Auðmenn sem höfðu enga reynslu
af bankarekstri eignuðust bankana
með því að slá lán hver hjá öðrum.
Við þekkjum framhaldið.“
FR
ÉTTA
B
LA
Ð
IÐ
/VILH
ELM
M
YN
D
/L
JÓ
SM
YN
D
A
SA
FN
R
EY
K
JA
VÍ
KU
R
/H
IL
M
A
R
Þ
Ó
R
3
5
KAFFIVÉLAR - MATVINNSLUVÉLAR - POTTAR & PÖNNUR
SAFAPRESSUR - ELDHÚSÁHÖLD
fást í Eirvík
JÓLAGJAFIRNAR
JÓLATILBOÐ
Opið í dag laugardag frá kl. 11:00-16:00
Lokað sunnudag