Fréttablaðið - 19.12.2009, Síða 116

80 19. desember 2009 LAUGARDAGUR
Bestu og verstu jólalögin
Hvaða jólalög koma poppurunum í jólaskapið og hvaða jólalög hreinlega þola þeir ekki? Dr. Gunni sló á þráðinn til nokkurra
poppara og krafði þá svara um þennan vafasama flokk, jólalögin.
„Besta jólalagið er Ég fæ jólagjöf með Kötlu
Maríu. Það var spilað í tætlur heima hjá mér
þegar ég var krakki og kemur mér alltaf í
stuð, þar sem ég elska pakka! Versta jólalag-
ið er án efa Nei nei ekki um jólin með Siggu
Beinteins og HLH. Þar er endalaust endur-
tekið nei nei ekki um jólin – ég hef aldrei
almennilegha skilið þetta lag! Svo verð ég
líka að segja Jólahjól með Sniglabandinu.
Ojjj!“ Elíza Geirsdóttir Newman
„Wonderful Christmas Time með Paul
McCartney var alltaf í uppáhaldi þar
til fyrir svona tveimur árum þegar mér
fannst það óþolandi. Hjálpum þeim
er náttúrlega klassískt. Brunaliðs-jóla-
platan er líka góð. Mér finnst jólalög
yfirleitt frekar skemmtileg, kannski
helst að íslensk jólalög frá níunda
áratugnum séu ekkert voða spennandi.
Ég nefni engin nöfn.“
Högni Egilsson í Hjaltalín„Maður er alltaf að hlusta á sömu
lögin aftur og aftur um hver jól og
uppáhaldslagið mitt er náttúrlega Last
Christmas með Wham! Af íslenskum
segi ég Jólahjól af því að það er svo
mega-eighties. Ég man að ég hlustaði á
það alveg ótrúlega oft þegar ég var lítill
og það er pikkfast í mér. Það er voða
mikið til af leiðinlegum jólalögum, en
mest fer í mig þegar fólk er að taka
kóver af Last Christmas. Ég fæ alveg
hroll þegar ég heyri svoleiðis.“
Davíð Berndsen, Berndsen
„Besta jólalagið er án efa Ó Helga nótt
með Agli Ólafs. Einfaldlega sjúklegasti
söngvari Íslands fyrr og síðar. Ég fæ
alltaf gæsahúð frá stórutá og upp í nef
þegar ég heyri það! Versta jólalag allra
tíma er svo Wonderful Christmas Time
með Paul McCartney. Það er eitthvað
svo hræðilegt með öllu, ég get bara
ekki þolað það!“
Valur Freyr Halldórsson í Hvanndalsbræðrum
„Plata með Golden Gate-kvartettinum var alltaf í
uppáhaldi hjá mér og lagið Faðir andanna finnst
mér mjög gott, þótt það sé nú kannski frekar
sálmur en jólalag. Það er bara svo hátíðlegt.
Versta jólalagið verð ég að segja að sé Jól alla
daga með Eiríki Haukssyni. Það er svo mikið
frekjulag og það er fáránlegt að óska sér þess að
það séu jól alla daga. Ég myndi að minnsta kosti
ekki vilja það!“ Ellen Kristjánsdóttir
„Það er eitthvað við lagið Jólin eru að koma með
Í svörtum fötum, sem kemur mér í jólaskapið og
það er mjög erfitt að koma mér í jólaskap. Þetta var
voða vinsælt á Popp TV fyrir svona fimm árum og
það heyrist í kóklestinni fyrir aftan Jónsa. Jólahjól
drepur hins vegar niður alla jólastemningu hjá mér.
Hvers vegna að taka eina orðið sem rímar við jól og
búa til samsett orð úr því? Jólahjól? Þetta er bara
rugl! Svo fer enginn að pakka inn hjóli og hvað á
maður að vera að hjóla um jólin? Það er allt út í
fokking snjó!“ Halldór Eldjárn í Sykri
„Jólalagið frá Kók og
Jólahjól er nú svona það
fyrsta sem mér dettur í
hug um lög sem koma
mér í jólaskap. Þegar
maður sér Kókaug-
lýsinguna eða gamla
myndbandið við Jólahjól
veit maður að jólin eru
á næsta leiti. Það eru
til rosalega mörg slæm
jólalög. Ég get nefnt
öll jólalög með Mariah
Carey, Ég fæ jólagjöf með
Kötlu Maríu, en ætli það
allra versta sé ekki Ég
hlakka svo til með Svölu
Björgvins. Það er bara
einum of skerandi!“
Vera Sölvadóttir í BB & Blake
„Besta jólalagið sem ég er að
hlusta á núna heitir Death Take
Your Fiddle með hljómsveit-
inni Spiritualized. Það er mjög
skemmtilegt jólalag. Ég myndi
svo segja að flest önnur jólalög
væru vond. Mér finnst þau hálf
tilgangslaus. Sérstaklega síðari
tíma jólalög. Það er verið að segja
„jól“ eins oft og hægt er og þetta
fjallar mikið um gjafir. Mér finnst
svo afskaplega skrýtið að heyra
Helga Björns þruma yfir manni að
hann nenni ekki einhverju.“
Barði Jóhannsson
„Ó helga nótt finnst mér nú alltaf
langbesta jólalagið af því að það er svo
hátíðlegt. Annars eru auðvitað mörg
góð jólalög og mörg vond líka. Ef ég
nenni með Helga Björns hefur mér alltaf
þótt frekar skrýtið og maður óverdósaði
alveg á Jólahjólinu fyrir löngu síðan. Ég
hef ekki heyrt það einu sinni fyrir þessi
jól og mér finnst það nú eiginlega bara
mjög gott!“ Sigríður Beinteinsdóttir
„Það eru mörg íslensk jólalög sem
koma til greina, til dæmis Hjálpum
þeim, sem mér finnst vera orðið
löggilt jólalag. Uppáhalds upp-
haldsjólalagið mitt er þó líklega
Someday at Christmas með Stevie
Wonder. Í vondu deildinni finnst
mér Ef ég nenni með Helga Björns
standa upp úr. Ég hef aldrei skilið
það lag, alveg síðan ég var lítil.“
Rósa Birgitta Ísfeld í Feldberg og Sometime