Fréttablaðið - 19.12.2009, Side 148

108 19. desember 2009 LAUGARDAGUR
sport@frettabla-
Friðriksmótið í skák verður haldið í Landsbankanum Austurstræti 11 sunnudaginn
20. desember kl. 13.00-16.30. Mótið er sterkasta hraðskákmót ársins og verða
flestir af bestu skákmönnum landsins meðal þátttakenda.
Skákunnendur eru hjartanlega velkomnir að fylgjast með mótinu.
Boðið verður upp á kaffiveitingar.
FRIÐRIKSMÓTIÐ | landsbankinn.is | 410 4000
N
B
I h
f.
(L
an
d
sb
an
ki
n
n
),
k
t.
4
71
0
0
8
-0
2
8
0
.
E
N
N
E
M
M
/
S
ÍA
/
N
M
4
0
3
4
5
Skák og mát
FÓTBOLTI Hermann Hreiðarsson og
félagar í Portsmouth fá það erf-
iða verkefni að mæta Liverpool í
hádegisleik ensku úrvalsdeildar-
innar í dag. Hermann er nú kom-
inn á fullt eftir að hafa misst af
upphafi tímabilsins vegna meiðsla.
Hann náði þeim merka áfanga í
vikunni að verða leikjahæsti leik-
maðurinn frá Norðurlöndunum
í sögu ensku úrvalsdeildarinnar
er hann lék sinn 319. leik í deild-
inni. Þá mætti Portsmouth topp-
liði Chelsea á Stamford Bridge og
tapaði, 2-1.
„Þetta er auðvitað voða fínt
enda hafa margir góðir leikmenn
komið frá Norðurlöndunum. En ég
hefði frekar kosið að fá þrjú stig úr
þessum leik,“ sagði Hermann við
Fréttablaðið.
Portsmouth betra með Hermanni
Skammt er stórra högga á milli
hjá Hermanni þessa dagana.
Síðan hann byrjaði að spila aftur
eftir meiðslin seint í nóvember
hefur Portsmouth att kappi við
Manchester United, Chelsea og nú
Liverpool. Síðan Hermann kom
aftur í liðið hefur því gengið betur,
en Portsmouth tapaði sjö fyrstu
leikjum sínum í deildinni og situr
reyndar enn á botninum.
„Við erum samt á uppleið, það
er ekki nokkur spurning,“ sagði
Hermann. „Við erum orðnir fast-
ari fyrir og liðin þurfa að hafa
aðeins meira fyrir því að vinna
okkur. Það er ekki nokkur spurn-
ing að þetta verður langt og erf-
itt tímabil hjá okkur og við þurf-
um að gera helvíti vel til að bjarga
okkur eftir þessa vitleysu í haust.
En það er alveg hægt. Leikmenn-
irnir eru nægilega góðir og ef við
spilum eins og við gerðum gegn
Chelsea munum við taka einhver
stig.“
Portsmouth er nú með ellefu stig
og er nú ekki nema fimm stigum
frá öruggu sæti. Tímabilið er tæp-
lega hálfnað og því er ekki öll nótt
úti enn.
Hins vegar hefur annan skugga
borið á tímabilið hjá Portsmouth;
tvisvar hefur verið skipt um
eigendur, leikmenn hafa tvívegis
þurft að bíða eftir laununum sínum
og þrálátur orðrómur hefur verið
á kreiki um að félagið sé á barmi
þess að lenda í greiðslustöðvun.
Hefur neikvæð áhrif á klúbbinn
„Þetta truflar okkur ekki þegar
inn á völlinn er komið en vissulega
hefur þetta slæm áhrif á klúbbinn
allan. Það veit enginn hvað er að
gerast, hvorki leikmenn né stuðn-
ingsmenn. Við getum ekki annað
gert en vonað og reynt að taka sem
flest stig,“ segir Hermann.
Paul Hart var rekinn frá félag-
inu fyrir skömmu og Avram Grant
ráðinn í hans stað. Hermann seg-
ist vera ánægður með störf Grants
hingað til.
„Mér líst mjög vel á kappann.
Hann hefur hellingsvit á fótbolta
og heilmikla reynslu. Hann gefur
leikmönnum góð og skýr skilaboð
og er að koma liðinu vel saman.“
Hermann er vitanlega ánægð-
astur með að Grant velur hann
alltaf í byrjunarliðið. „Það er auð-
vitað lykilatriði fyrir hann ef hann
ætlar þessu liði að geta eitthvað,“
segir Hermann og hlær.
Ófarir Liverpool ætti flestum
áhugamönnum um enska boltann
að vera vel kunnar. Liðið má helst
ekki við því að misstíga sig og því
er verkefni Hermanns og félaga
enn erfiðara fyrir vikið.
„Það sem er fyrst og fremst
aðalmálið fyrir okkur er að þessi
leikur er á heimavelli okkar og
þar þurfum við að taka fullt af
stigum. En Liverpool er auðvitað
með frábæra leikmenn, ekki síst
síðan Steven Gerrard og Fernando
Torres byrjuðu að spila aftur eftir
sín meiðsli. Þetta eru bestu menn
Liverpool og þá þurfum við að
stöðva,“ segir hann. „Þetta verður
erfiður leikur, eins og reyndar allir
leikir í ensku úrvalsdeildinni.“
eirikur@frettabladid.is
Verðum að stoppa Gerrard og Torres
Hermann Hreiðarsson náði merkum áfanga í vikunni þegar hann lék sinn 319. leik í ensku úrvalsdeildinni og
varð þar með leikjahæsti Norðurlandabúinn frá upphafi. Hann verður í eldlínunni gegn Liverpool í dag.
HERMANN HREIÐARSSON Hér í metleiknum gegn Chelsea á Stamford Bridge.
NORDIC PHOTOS/GETTY
Dagur Sigurðsson og lærisveinar hans í þýska úrvalsdeildarfélag-
inu Füchse Berlin standa í ströngu á morgun. Þá tekur liðið á
móti Íslendingaliðinu Rhein-Neckar Löwen. Með liðinu leikur
Ólafur Stefánsson, fyrrum samherji Dags hjá Val og íslenska
landsliðinu, en þeir eru æskufélagar. Með Rhein-Neckar Löwen
leika einnig þeir Guðjón Valur Sigurðsson og Snorri Steinn Guð-
jónsson sem Dagur þekkir vel til enda léku þeir allir saman í
landsliðinu á sínum tíma.
„Þetta verður ágætisupphitun fyrir EM,“ segir Dagur.
Hann er einnig þjálfari austurríska landsliðsins sem er
með því íslenska í riðli á EM. „Við þurfum fyrst og fremst
að standa í lappirnar og reyna að stríða þeim en það er
stigsmunur á þessum liðum. Maður veit þó aldrei hvenær
óvæntir hlutir gerast,“ bætir hann við um leikinn á morgun.
Hann stóðst einnig ekki freistinguna og sendi Ólafi
tóninn. „Þeir eru vissulega góðir nema hvað Óli er enn
jafn lélegur í vörninni og hann hefur alltaf verið. Okkar
undirbúningur hefur meira eða minna snúist um einmitt
það,“ sagði Dagur og hló.
Hann segist annars vera bærilega sáttur við gengi liðsins. „Það
leiðinlega er þó að við höfum ekki náð að sýna okkar rétta andlit
á heimavelli. Áhorfendur hafa þó sem betur fer ekki yfirgefið
okkur en það var uppselt á síðasta leik.“
Það er einnig toppslagur í deildinni á morgun þegar Alfreð
Gíslason og hans menn í Kiel taka á móti Hamburg. „Þetta er
eins og þegar Manchester United mætir Chelsea í enska
boltanum. Það hefur verið beðið eftir leiknum með
mikilli eftirvæntingu,“ segir Dagur.
„Ég vona auðvitað að Alfreð og hans menn
klári þennan leik. Það er reyndar slæmt að
Daniel Narcisse er meiddur en á móti kemur
að þá fær Aron [Pálmarsson] einhverjar mínút-
ur í viðbót. Það er gaman að því.“
Dagur segir það morgunljóst að Alfreð njóti gríð-
arlegrar virðingar í handboltaheiminum. „Það sýndi sig
þegar Kiel gerði við hann langtímasamning. Ég held að
það sé ekki á neinn hallað þegar ég segi að hann beri
höfuð og herðar yfir alla aðra í þessum bransa.“
DAGUR SIGURÐSSON, ÞJÁLFARI FÜCHSE BERLIN: MÆTIR ÆSKUFÉLAGA SÍNUM Á MORGUN
Óli er enn jafn lélegur í vörninni og alltaf
> KRTV í beinni frá Kína
Íslandsmeistarar KR í körfubolta eru þessa dagana staddir
í Peking í Kína. Þar mun liðið leika tvo sýningarleiki vð
Beijing Ashoen. KR-ingar eru stórhuga sem fyrr og munu
sýna leikinn í beinni sjónvarpsútsendingu
á KRTV sem má nálgast á heimasíðu KR,
kr.is. Leikurinn hefst klukkan 7.00 en þá
er klukkan 15.00 að staðartíma. Hægt
er að nálgast myndir og ferðasögur á
heimasíðu KR.
FÓTBOLTI Ryan Giggs mun ekki
leggja skóna á hilluna í sumar
því hann er búinn að skrifa undir
nýjan eins árs samning við Eng-
landsmeistara Manchester United.
Núverandi samningur Giggs
rennur út í sumar en Giggs hefur
verið að spila það vel í vetur að
hann sér ekki ástæðu til þess að
hætta strax.
„Ég er afar ánægður með að
hafa skrifað undir nýjan samning.
Ég hef sjaldan eða aldrei notið
þess eins mikið að spila fótbolta
og ég hlakka til að vinna fleiri
titla með United.“
Sir Alex Ferguson segir að
Giggs eigi skilið nýjan samning og
hann er sannfærður um að Wales-
verjinn spili í tvö ár í viðbót.
„Hann er í frábæru formi og
er hugsanlega að spila sinn besta
bolta á ferlinum,“ sagði Ferguson.
Leikmenn völdu Giggs besta
leikmann ensku úrvalsdeildarinn-
ar á síðustu leiktíð. Þessi 36 ára
gamli leikmaður er leikjahæsti
leikmaður Manchester United frá
upphafi.
Hann er einnig sá leikmaður
félagsins sem hefur unnið til
flestra verðlauna. - hbg
Ryan Giggs:
Samdi um eitt
ár til viðbótar
RYAN GIGGS Verður bara betri með
aldrinum. NORDIC PHOTOS/GETTY IMAGES