Vikan - 03.06.1965, Blaðsíða 32
Stjörnuspáin gildir frá fimmtudegi til fimmtudags.
Hrútsmerkið (21. marz — 20. apríl):
Þú hefur hafizt handa um framkvæmdir á ákveðnu
máli sem margir vinir þínir undra sig á. Þú ert
nokkuð óviss en allt bendir til að endalokin verði
góð. Framkomu þinni er tilsvert ábótavant og skaltu
taka hana til endurskoðunar.
Nautsmerkið (21. apríl — 21. maí):
Þú ert haldin nokkrum leiða og stafar hann aðal-
lega út af ósætt í félagssamtökum þínum. Einkalíf
þitt verður hið ánægjulegasta og ættingjar þínir
taka þig með sér á einhvern fjölmennan mann-
fagnað.
Tvíburamerkið (22. maí — 21. júní):
Þú ert áhyggjufullur og nokkuð snúinn í garð eins
vinnufélaga þíns. Ef þú athugar málin niður í kjöl-
in sérðu að ýmsilegt má færa til betri vegar en
það verður að koma frá þér sjálfum. Helgin verður
fremur daufleg.
Krabbamerkið (22. júní — 23. júlí):
Dagarnir verða hver öðrum líkir og þú ert fremur
kærulaus. Þú hefur mörg járn í eldinum en ert
ekki mjög vongóður um lausn ýmissa vandamála
þinna. Meðbræður þínir reynast hinir samnings-
liprustu og bónbeztu.
Ljónsmerkið (24. júlí — 23. ágúst):
Þú kemur ekki vel fram við einn vin þinn. Þú hef-
ur gert nokkuð góð kaup og ert ánægður með þau
en þau kostuðu þig heldur mikið. Reyndu að stunda
útilíf og ferðalög eins og þú átt kost á.
Meyjarmerkið (24. ágúst — 23. september):
Þú ættir að sinna fjölskyldu þinni meir og hugsa
meir um að gera heimilisfólki þínu til hæfis. Þú ert
nokkuð argur og umgengiserfiður og ættir að leita
orsaka þess hjá sjálfum þér. Þú verður fyrir happi
í vikulokin.
Vogarmerkiö (24. september — 23. október):
Þú stendur í stórræðum, en gættu þess að leggja
ekki of hart að vinur þínum og nánasta skyldfólki.
Þú kemur ekki vel fram við ákveðin ættingja þinn,
þú skalt endilega leiðrétta það. Líkur eru á ferða-
lagi.
Drekamerkið (24. október — 22. nóvember);
Þú átt í miklum erfiðleikum með að taka ákvörðun
og reynir margar leiðir áður en þú aö lokum velur.
Einn samstarfsmaður þinn reynist þér góður félagi.
Vissir aðilar eru orðnir nokkuð þreyttir á sein-
virkni þinni.
Bogmannsmerkið (23. nóvember — 21. desember):
Þú hefur mörg járn í eldinum en átt bágt með að
fá nokkuð sem hentar þér vel. Þú hefur nokkuð mik-
ið að gera og lætur vissa aðila fara í taugarnar á
þér. Þú verður að tefla á tvær hættur.
Steingeitarmerkiö (22. desember — 20. janúar):
Þú hefur tekið að þér verkefni sem fer illa með
hinn eiginlega frítíma þinn. Þú skalt leita ráða hjá
reyndu fólki varðandi vissar athuganir þínar. Var-
aztu að vera of mikið upp á aðra kominn.
Vatnsberamerkið (21. janúar — 19. febrúar):
Þú hefur farið með sigur af hólmi í einhverju bar-
áttumáli milli þín og fjölskyldunnar en því miður
hefurðu ekkert upp úr því fjárhagslega eins og þú
væntir. Þú verður þátttakandi í ferðalagi.
Fiskamerkið (20. febrúar — 20. marz):
Það verður mjög skemmtilegt 1 kringum þig, sér-
staklega í kringum helgina. Þú nýtur þess að vera
í þínum hópi. Hugsaðu ekki mikið um hluti sem
eru fjármálalegs eðlis þeir eiga ekki rétt á sér eins
og stendur.
HUSMÆÐUR!
1001, eldhúsrúilan er fram-
leidd sérstaklega fyrir notkun
í eldhúsum ykkar og hjálpar
ykkur við dagleg störf.
ELDHUSRULLAN GEGNIR 1001 HLUTVERKI