Vikan - 03.06.1965, Blaðsíða 47

BIIRNIÐ
Eins og sjá má á því,
sem hér fer á eftir, er
varla hægt að reikna
með minna en 8000 kr.
tilkostnaði við barnið
strax og það fæðist, þó
er aðeins reiknað með
nauðsynlegasta fatnaði
fyrstu vikurnar, ódýr-
asta barnavagni og
vöggu.
Föt barnsins
HvaS þarf barnið í byrjun? Hér
verður nefnt það sem óhjákvæmilegt
er að íá sér, en öðru má bæta við
seinna, enda verður að gefa vinum
og kunningjum tækifæri til að gefa
það sem á vantar.
24 bleyjur er algert lágmark. Þær
fást misjafnlega þykkar og er verðið
yíirleitt frá 15 kr. upp í 20 kr.
12 blcyjubuxur úr bómull, sem kosta
u.þ.b. 24 kr., en þar að auki þarf
nokkrar gúmmi- eða plastbúxur, sem
nú orðið má sjóða, en þær kosta allt
frá 15 kr. upp í 100 kr. Annars staðar
hér á opnunni er mynd af slíkum
buxum með sérlega heppilegu sniði.
4 lök en þau sauma flestir sjálfir,
og kostar metrinn af barnaflúneli
u.þ b. 30 kr.
6 svif, en þau má sauma úr sama
efni og lökin, en mörgum finnst
skemmtilegra að hafa þau með mis-
litum röndum á brúnunum.
4 naflabindi, fást á 11 kr., en auð-
vitað má líka sauma þau úr mjúku
flúneli, en þá eru þau ekki földuð,
svo að saumurinn skerist ekki inn í
hold bamsins.
6 bolir, úr bómull kosta þeir ca.
26 kr.
6 treyjur með löngum ermum, en
þær fást á 50 kr.
4 sokkabuxur, slikar bómullarbuxur
er hægt að fá á 32 krónur.
2 prjónuð ullarteppi til þess að
leggja undir barnið í vöggunni. Þau
prjóna flestir sjálfir með sléttu prjóni
úr mjúku gami, eða bara klippa þau
úr einhverri gamalli, sléttprjónaðri flík
í ljósum lit.
2 gúmmídúkar, annar til þess að hafa
úti í vagni, svo að ekki þurfi að rifa
upp rúmfatnaðinn í vöggunni í hvert
skipti og barnið er sett út, kosta frá
27 kr.
1 ullarteppi er nauðsynlegt til þess
að geta breitt ofan á vögguna, vafið
barnið inn í þegar haldið er á þvi,
haft ofan á vagninum o.s.frv. Þau má
fá á ca. 250 kr., en í frh. á bls. 48 er
birt lýsing á hekluðu teppi, mjög
fallegu, sem margir hefðu e.t.v. gam-
an af að reyna við.
4 sængurver og svæfilsver, í búð
kostar settið ca. 300 kr.
Sæng og kodda þarf barnið. Sé það
úr nælon, en það eru léttar, hlýjar
og liðlegar sængur, kostar sængin
425 kr. og koddinn 98 kr„ en úr dún
kostar sængin 650 kr. og fiðurkoddi
95 kr.
Útiföt, til þess að sofa i vagninum,
húfu, peysu og hosur, má fá einna
ódýrust á ca. 240 kr„ en sé útigalli
keyptur, t.d. úr nælonflosi kostar hann
428 kr.
Plastbala eða barnabaðker þarf
barnið og má gera ráð fyrir að það
kosti frá ca. 200 kr.
Einfaldur saumaskapur
SVUNTUKJÖLL Á
UNGBARNIÐ
Klippið eftir skýringarmyndinni, en
kjóllinn er úr tveimur stykkjum.
Annað er 65 cm. löng og 15 cm. breið
lengja, en hitt er 18x90 cm. stykki.
Lengjan verður að smekk og buxum,
skáband á öllum köntum, sem endar
í böndum á öxlunum, sem bundin eru
saman í slaufu. Hitt stykkið stungið á
15 cm. að ofan frá, en band dregið
í sauminn að ofan, þar sem hann er
ekki fastur við lengjuna, en það er
svo dregið saman þannig að svuntan
rykkist. Skáband að neðan og köntum
að aftan. Skemmtilegt er að sauma
eða applikera litla mynd framan á
eða sauma stóran vasa þar á.
LITLAR SVUNTUR
í þær þarf ca. 1/2 m. af 80—90 cm.
breiðu efni og skábönd. Á skýringar-
myndinni er hver ferningur 5x5 cm.
Hægt er að koma ýmis konar tilbreytni
við eftir þessu munstri, t.d. pífu að
neðan, einhverjum útsaumi o.s.frv.
FROTTÉ-SVUNTA
I þessari litlu svuntu eða stóra
smekk er plast efni, sem er eins og
frotté á annarri hliðinni. Það efni má
sjóða og það er vatnshelt, en mjúkt
eins og tau- Ég hef ekki kynnt mér
hvort slíkt efni fæst hér í búðum, en
fáist það ekki má nota venjulegt
frotté-efni og fóðra það með mjúku
plasti, sem má sjóða. Þá er efnið
klippt eftir línu A á skýringarmynd-
inni, en á efri hlutanum á frotté-efnið
að snúa út. Neðri hlutinn svo saum-
aður við og plastið láta snúa út á
honum. Brotið upp í miðju að línu
A og myndaðir vasar, sem þá eru
plastfóðraðir að innan og taka því
vel við grautnum og mjólkinni, sem
barnið kynni að demba.
Svipað snið og á frotté-svuntunni,
nema hvað handvegur meira útskor-
inn og sniðið af köntum á hliðinni.
Lítil blúnda eða pífa upp að handveg,
þar sem svuntan er bundin saman.
VIKAN 22. tbl.
GENGIÐ í BÚÐIR
0G LITIÐ A ÝMISLEGT, SEM HENTUGT GÆTI
TALIZT FYRIR UNGBARNIÐ
LEGUSTÓLL
Þetta er alveg sérstaklega skemmti-
legur og þægilegur hlutur fyrir börn
allt að hálfs árs aldri og kannski
lengur. Þau geta verið kornung í þess-
um stól, því að hægt er að stilla hann
á fimm vegu og er ein stellingin þannig,
að barnið hálfliggur i honum. Sú litla
stúlka, sem ég þekki bezt um þessar
mundir, var t.d. sett í hann 10 daga
gömul og Ijómaði þá öll af ánægju
yfir að geta skimað um allt og setið
svona þægilega. Stóllin er laufléttur,
á mína vigt aðeins 850 gr., og þess-
vegna mjög þægilegt að flytja hann til
og frá, setja hann á borðið hjá sér
eða á stól við hlið sér, þegar barn-
inu er gefið að borða. Þótt hann sé
svona léttur, er hann einstaklega stöð-
ugur, en þar að auki er hægt að
krækja honum á stólbak eða bílsæti.
Innan í stólnum er mjúk plastdýna í
fallegum lit, en 61 um mitti barnsins
og milli fóta þess tryggir það að barn-
ið detti ekki úr honum. Fremst er
svo band með litlum hringlum í
skemmtílegum litum. Kostar 690,00 kr.
GÖNGUSTÓLL
GRIND TIL ÞESS AÐ
SETJA í STIGA0P 0G
HURÐIR
Svona grind, sem spannar yfir tæp-
an metra, kostar 250 kr. og verðið
hækkar svo um 50 kr. eftir stærð,
og þær sem ná yfir 2 m. kosta 450
kr. Tvær gerðir eru búnar til af þess-
um grindum. Önnur þarf festingu í
vegginn öðrum megin og er svo dreg-
in út og krækt í hann hinum megin
og er hún auðvitað öruggari, sérstak-
lega þar sem ekki er veggur nema
á aðra hlið, en t.d. stigahandrið á
hina. Hin gerðin er með gúmíhnöpp-
um, sem látnir eru nema við vegg
báðum megin, og hún hefur þann kost,
að hægt er að flytja hana án nokkurra
tilfæringa úr einum dyrum í aðrar.
BARNAKARFA
Körfur svipaðar þessari fást frá 700—
1000 kr. með dýnu. Verðið fer nokkuð
eftir því hve þéttriðnar þær eru, sömu-
leiðis stærð og hvort þær eru með
hjálmi yfir höfðalaginu. Það er óneit-
anlega þægilegt að geta farið með
körfuna með sér herbergi úr herbergi
— og það er ekki hægt að neita því,
að flestar konur vilji gjaman geta
ruggað barninu svolítið í svefn, þótt
uppeldisfræðingar vilji halda því fram,
Svona göngustólar eru til mikillar
ánægju fyrir barnið og þæginda fyrir
móðurina, því að barnið kemst þá ekki
að borðum og þvílíku til að hand-
fjatla það, sem það má ekki. Þessi
kostar 630 kr.
ItSil®
að ekki eigi að venja barnið á slíkt.
Þegar barnið er u.þ.b. 5 mánaða
gamalt þarf það að fá rúm. Ég hef
ekki athugað þau hér í búðum, en
þau fást auðvitað af ýmsum gerðum,
oft hægt að stækka þau. Ég birti hér
að gamni myndir með, teknar úr er-
lendu blaði, af rúmi, sem virðist vera
mjög hentugt, þar sem hægt er að setja
botninn í þrjár stellingar. Sú efsta er
notuð til að klæða barnið á og skipta
á því, í miðið er það rúm í þægUsgri
hæð fyrir móðurina, meðan barnið
er ekki farið að standa upp, en neðst
er það nokkurs konar leikgrind. Þetta
væri ágæt hugmynd fyrir íslenzka
framleiðendur, en um leið væri fróð-
legt að spyrja: Er það raunverulega
rétt, sem margar ungar mæður hafa
sagt mér um íslenzku barnarúmin, að
þau endist varla fyrir eitt barn, hvað
þá fleiri, sem þó ætti að vera sjálf-
sagt. Þær segja að þau liðist öll í sund-
ur og meira að segja hafi komið fyr-
ir að botninn brotni — hvort tveggja
eftir tiltölulega skamma notkun. Ljótt
er ef satt er.
PLASTBUXUR
Þessar buxur kosta ca. 37 kr„ og
þær má þvo í vél og sjóða. Þær eru
sérstaklega þægilegar í notkun, því að
eins og sjá má af minni myndinni, er
bleyjunni stungið undir böndin á
innanverðum buxunum og helzt hún
þar vel stöðug. Síðan er buxunum
lokað með þægilegum smellum, og er
því ekki svipstund verið að skipta á
barninu með þessari aðferð — engar
nælur og enginn bögglingur með
bleyjurnar. Þess ber þó að gæta, að
þótt buxurnar séu mjúkar eru þær
loftþéttari og heitari en taubuxur,
og því ekki víst að húð barnsins þoli
stöðuga notkun þeirra a.m.k. ekki
meðan þau eru kornung, en öðru
hverju eru þær ákjósanlegar. Fást i
tveim stærðum.
BARNAVAGN
Það fást margar gerðir af barna-
vögnum, en að mörgu leyti fannst mér
þessi gerð og aðrar svipaðar hentug-
astar. Þar réði aðallega það, að hægt
er að taka efri hlutann af og nota
sem burðarúm. Einnig er hægt að
kaupa kerru-efrihluta seinna og setja
ofan á sömu hjólin, og sparar það auð-
vitað töluvert. Þeir, sem bæði vilja
láta barnið sofa úti á svölum og ganga
með það úti í sama vagni, geta með
illu móti notað þessu stóru, þungu —
og fokdýru — barnavagna, enda get
ég ekki með nokkru móti komið auga
á kostina við þá fram yfir létta og
meðfærilega vagna. Á þessum vagni er
sem sagt hægt að taka efri hlutann af
með einu handtaki og leggja hjólin
saman, þannig að hægt er að bera
þetta sitt í hvoru lagi upp og niður
stiga og jafnvel búa um barnið í efri
hlutanum áður en það er sett út. Sé
farið með barnið í heimsókn, er hægt
að aka því á staðinn, taka svo efri
hlutann af og láta það sofa eða liggja
rólegt inni meðan staðið er við, og
sé farið í bíltúr má setja rúmið í
aftursætið — hafa svo hjólin meðferð-
is í farangursgeymslunni og smella
þeim undir þegar þess er óskað. Þessi
vagn kostar 2900 kr., en sé kerruefri-
hlutinn keyptur með, kostar allt sam-
an 3.575 kr.
Barnavagnar ganga oft kaupum og
sölum, og er að komast fast form á
verð þeirra notaðra, kosti vagn t.d.
í upphafi 5.000 kr. má gera ráð fyrir
1.500 kr .afslætti, þegar hann hefur
verið notaður fyrir eitt barn og lítið
sér á honum, en 2.000—2.500 hafi hann
verið notaður fyrir 2 börn og sé far-
inn að láta töluvert á sjá.
Framhald á næstu síðu....
VIKAN 22. tbl. 47