Vikan - 05.02.1970, Blaðsíða 4

Þeim lœrist bezt að synda, sem
liggur við drukknun.
íslenzkur málsháttur.
# fólk i fréttunum
Hinn heimsfrægi hljómsveitarstjóri og
tónskáld, Igor Stravinsky, er nú orðinn
rúmlega 80 ára. Hann er þó enn í fullu
fjöri og vinnur sízt minna í dag en hann
gerði fyrir 30 árum. Nýlega sagði hann í
blaðaviðtali, er hann var spurður um
hvernig honum fyndist að vera orðinn
gamall:
— Ég sætti mig við það að langafi minn
varð 111 ára gamall. Nei, hann var nú
ekki tónskáld, en hann gerði nokkuð ann-
að af lífi og sál — eftir því sem mér er
sagt — og það var kvennafar. Og sann-
leikurinn er sá, að gamli maðurinn (blessuð sé minning hans) dó af
völdum meiðsla sem hann hlaut er hann datt niður af girðingu sem
hann var að klifra yfir á leiðinni á stefnumót. „What a way to go!“
eins og Ameríkanarnir segja. .. .
Ekki er langt síðan sýnd var hér í Reykja-
vík frámunalega léleg bandarísk kvik-
mynd, VIXEN. Betra er að taka það fram
að myndin var klámmynd, og ætti það að
vera nægileg rökfærsla fyrir gæðum
myndarinnar. Hér var myndin auglýst sem
fræg og vinsæl mynd í Bandaríkjunum —
hún gengi meira að segja enn á Broad-
way. Sennilega hafa fáir tekið það trúan-
lega, en það er engu að síður satt. Sá sem
framleiddi og stjórnaði þessari mynd heif’
ir Russ Meyer, 47 ára gamall leikstjóri og
vínsvelgur. Allt í allt eyddi hann 72.000
dollurum í Vixen, og nú hefur myndin gefið hvorki meira né minna
en 6 milljónir dollara í aðra hönd. Eftir frumsýningu myndarinnar
sl. haust, sagði Richard Zanuck, forseti Fox-fyrirtækisins, að fyrst
Meyer gæti gert svona gott úr 72.000 dollurum og lélegum tækjum
þá gæti hann gert stórkostlega hluti með meiri peningum og betri
tækjum. — Þrátt fyrir nýlega velgengni hans líta flestir samverka-
menn hans hjá Fox á hann sem venjulegan klámmyndagerðarmann.
„Látum þá bíða aðeins,“ segir hann, „þegar næsta mynd er fullgerð
dýrka þeir mig.“
Arlega eru 12 menn útnefndir „Bezt
klæddu menn ársins". Á listanum fyrir
árið 1969 voru m. a. George Hamilton,
Jean-Claude Killy og Wyatt Cooper. Tveir
menn fá þá sérstaka viðurkenningu fyrir
það sem þeir hafa gert til að fá fólk til
að fækka fötum og annar þeirra er Micha-
el Butler, 43 ára gamall leikstjóri, sem
stjórnaði uppfærslunni á HAIR, en í söng-
leiknum er, eins og allir vita, töluvert um
stripl. „Ef maður getur safnað nægu hári,
þá þarf maður engin föt,“ segir hann. „Á
meðan ættu þau að vera fallega litrík og
af mini-mini gerð.“
Og mini-mini þykir vera nokkuð góð lýsing á klæðnaði söngvarans
Harry Belafonte. „Það er nú ekki alveg rétt,“ hló söngvarinn, sem
varð fyrsti blökkumaðurinn til að komast á listann. „Ég er einfald-
lega í skyrtu sem er opin niður að nafla. En í alvöru, þá finnst mér
bezt klæddu mennirnir í heiminum þeir sem geta farið í borgaraleg
föt eftir að þeir koma heim frá Viet Nam.“
Kia kemur til íslands
Þessi gullfallega stúlka heitir
Christina Karlsson, kölluð Kia.
Hún er sænsk að uppruna og
vinnur sem aðstoðarstúlka á
rannsóknarstofu í Stokkhólmi —
á milli þess sem hún striplar
fyrir framan myndavélarnar. —
Nýlega birtust nokkrar myndir
af henni í sænsku blaði og þar
sagði hún að næsta sumarfrí, sem
væntanlega verður sumarið 1970,
ætlaði hún að nota til að fara til
íslands!
☆
DAYAN ÓDYR í REKSTRI
Moshe Dayan, landvarnaráð-
herra ísraels er mikill forngripa-
safnari, en það kostar hann lítið
sem ekkert, þótt undarlegt megi
virðast.
„Dayan borgar alltaf með ávís-
un,“ segir arabískur forngripa-
sali í Jerúsalem. „Venjulega er
búðin full af túristum sem eru
óðir í að skipta ávísuninni fyrir
mig svo þeir geti haft hana með
sér heim og hengt hana upp á
vegg hjá sér. Dayan faer forn-
gripina sína, ég fæ peningana
mína og túristinn fær ávísun
með eiginhandaráritun Dayan‘s.“
Og bankainnstæða herforingj-
ans stendur í stað! *
Lœknar verða að sýna þol-
inmœði, en sá sem sagði
eftirfarandi hefur misst
stjórn á sér andartak:
Aðra ipilluna takið þér í
kvöld, áður en þér farið
að sofa, en hina ef þér
vaknið í fyrramálið!“
Réttarhöld um
Tékkóslóvakíu
Heimspekingurinn Russel lá-
varður er enn á ný í sviðsljós-
inu. Hann stóð fyrir réttarhöld-
um í Stokkhólmi árið 1967 og
tók fyrir stríðsglæpi Bandaríkja-
manna í Víet Nam. Nú hyggur
hann á réttarhöld yfir þeim
glæpum sem drýgðir hafa verið
á frjálslyndum í Tékkóslóvakíu
síðan innrásin var gerð þar árið
1968. Segir Russel að innan
skamrns verði hafin réttarhöld í
Tékkóslóvakíu yfir þeim sem
fremstir stóðu í frelsisbaráttunni
þar árið sem innrásin var gerð.
4 VIKAN 6 tbl