Vikan - 24.05.1973, Blaðsíða 6
SIÐAN SÍÐAST
MISSKILINN EIGINMAÐUR
Þessi simpansi starfar við það að stytta
einmana stúlkum stundirnar á bar ein-
um í New York. Það er áhættulaust
fyrir stúlkurnar að trúa honum fyrir
einkamálum sínum, því að hann fleipr-
ar ekki með neitt. Hann kvað líka
vera mjög skilningsríkur, enda á hann
sjálfur við erfiðleika að stríða. Hann
kvartar nefnilega undan því að konan
sín skilji sig ekki.
YNGDAR UPP f PRAG
Það er fleira en milt Moldárloftið og
töfrar hinnar gullnu borgar eins og
Prag er stundum kölluð, sem dregur
vesturlandabúa þangað. Margar ríkar,
miðaldra vesturlandakonur og menn
leggja nú leið sína þangað til þess að
fá meðhöndlun á fegrunarstofnun borg-
arinnar þar sem að minnsta kosti ein
Ameríkufrú er yngd upp með skurð-
aðgerð daglega. Forstöðumaður stofn-
unarinnar, dr. Karel Fahoun dáist að
hugrekki kvennanna, sem hann segir
fara í ókunnugt land, þar sem þær
skilja ekki málið með þeim ásetningi
að gangast undir erfiða skurðaðgerð.
„Þetta gera þær fegurðarinnar vegna,“
segir dr. Fahoun og brosir við . . .
HARÐSTJORN I UGANDA
„Hver sem er á móti mér, verður tek-
inn af lífi.“ Þetta er aðaleinkenni
stjórnarstefnu Idi Amins forseta Ug-
anda, sem tók völdin í sínar hendur
fyrir rúmum tveimur árum. Hann hef-
ur unnið kerfisbundið að því að út-
rýma þeim, sem hann telur andstæð-
inga sína. 17 ráðherrar og 30 æðri em-
bættismenn hafa verið myrtir í þess-
um hreinsunum. Ekki virðist Idi Am-
in, eða „Stóri Pabbi“ eins og hann
kallar sig, þó standa sjálfur i skítverk-
unum, ef marka má þessar myndir.
VERKFALL
flugumferðarstjóra í Frakklandi á
dögunum olli mörgum slysum, þrátt
fyrir það að starfsmenn hersins hafi
gert sitt bezta til þess að stjórna flug-
umferðinni. Meðal óhappa sem urðu
var árekstur þessara tveggja spænsku
véla. Brak annarrar dreifðist um
margra ferkílómetra svæði, en flug-
stjóra hinnar vélarinnar tókst að lenda
slysalaust í borginni Cognac.
H U N DAKAPPAKSTU R
Ben Húr og rómverski hestavagna-
kappaksturinn er fyrirmyndin að nýrri
íþróttagrein í Suður-Kaliforníu. f stað
hesta beita menn nú hundum fyrir
vagnana. Það er vitaskuld smekksat-
riði, en ólíkt taka hestarnir hans
Charles Hestons í kvikmyndinni um
Ben Húr sig betur út en hundarnir.