Vikan - 24.05.1973, Blaðsíða 26
• £cU>*4
augu aldarinnar
Þegar Picasso lézt i siðasta mánuði, brustu augu
aldarinnar. Enginn málari hefur haft slík áhrif á
myndlist nútimans sem hann. Afköstin ein vekja
furðu. Áætlað er, að til séu eftir hann rösklega 15.000
verk.
Sol skein i heiði, þegar bandariski ljósmyndarinn
David Duncan yfirgaf hús sitt á frönsku Rivierunni.
Útlit var fyrir heitan og sólrikan dag eins og venja
er til á þessum slóðum. Þó leyndust blikur á lofti.
Um leið og Duncan læsti dyrunum á húsi sinu,
lukust aftur augu aldarinnar. Á þeirri stundu lézt
fáeina kilómetra i burtu vinur hans, Pablo Picasso,
— einn frægasti listmálari, sem uppi hefur verið.
Duncan lýsir andlátsdegi vinar sins á þessa leið:
Um miðjan daginn breyttist veðrið. Það hvessti, og
fyrr en varði var komið hávaðarok. Vindurinn sleit
laufin af olivutrjánum. Um kvöldið geisaði þrumu-
veöur á þessari sólarströnd Frakklands. Það rigndi
eins og hellt væri úr fötu. Þá hafði ekki komið dropi
úr lofti siðan á jólum.
Picasso lézt ki. 11.40 að morgni sunnudagsins 8.
april. Dauðinn vitjaði hans öllum að óvörum. A
föstudaginn hafði hann unnið liðlangan daginn, allt
þar til rökkva tók. Á laugardaginn sáu ná-
grannarnir, hvar listamaðurinn gekk sér til
skemmtunar i garðinum umhverfis villu sina. Hann
snæddi kvöldverð með nokkrum vinum sinum, en
um miðnættið fór hann til vinnustofu sinnar i
siðasta sinn. Morguninn eftir sendi Jacqueline,
kona hans, eftir heimilislækninum. Hann kom tiu
minutum siðar, en þá var Picasso látinn.
Framhald á hls
G