Vikan - 07.06.1979, Síða 23

legur hvort eð er! Pierre er mjög
íhaldssamur og peningar voru
okkur sífellt rifrildisefni. í
upphafi hjónabands okkar gaf
hann mér sjaldan gjafir nema
þegar ég „framleiddi” börn
handa honum. Við hverja
fæðingu fékk ég skartgrip. En
eina gjöfin sem ég held enn upp
á er saumavél sem hann gaf mér
þegar við vorum að koma okkur
fyrir í Ottawa.
— Nú ert þú orðin þrítug. Ert
þú hamingjusöm?
— Já. Nú er sýndarmennsk-
unni og hræsninni lokið í lífi
mínu og nú get ég loksins lifað
eftir sannfæringu minni sem er
að vera sjálfum sér samkvæmur.
★
Þær stöllur, Margaret og
Magda Palacci-Bleier, komu
víðar við í viðtali þessu sem
birtist í franska vikuritinu Paris-
Match, en við látum þetta nægja,
Bókaútgáfa ein hér í Reykjavík
hefur þegar tryggt sér útgáfurétt
á endurminningum Margaretar
hér á landi, þannig að víst má
telja að bókin verði í mörgum
jólapakkanum um næstu jól. En
hér hafið þið sem sagt fengið
forsmekkinn.
Með Mick Jagger: — Við vorurr
aldrei saman.