Vikan - 07.06.1979, Síða 63

Kynnast öðrum
þjóðum
Halló Póstur!
Ég hef aldrei skrifað þér bréf
áður og ég vona að þetta bréf
lendi ekki í þessari frægu og
margnefndu Helgu. Mér finnst
Vikan gott blað og við allra
hæf, bæði ungra og aldinna.
Jæja, þá er best að koma sér
að efninu. Þannig er mál með
vexti að mig langar til að fá
vinnu, passa eða eitthvað
svoleiðis, einhvers staðar
erlendis, t.d. í Evrópu. Það er
oft verið að auglýsa í
blöðunum eitthvað slíkt, en ég
hef aldrei rekist á neitt við mitt
hæf. Getur þú nokkuð bent
mér á eitthvað, t.d. blöð
erlendis sem ég get skrifað til.
Eða veistu um eitthvert blað
hérna heima sem auglýsir
svona. Ég vona innilega að þú
getir hjálpað mér því mig
langar til að kynnast erlendum
þjóðum öðruvísi en sem ferða-
maður.
Jæja, þá er best að segja bæ
bæ með fyrirfram þökk fyrir
birtinguna. Blondie
Þú getur skrifað erlendum
blöðum og beðið um aðstoð,
birtingu auglýsingar eða
eitthvað slikt. Líklega væri þó
árangursríkara fyrir þig að hafa
samband við sendiráð þeirra
landa sem þú hefur mestan
áhuga á að kynnast og þar
færðu örugglega hina bestu
fyrirgreiðslu.
Bækur um
kynlíf
Háttvirti Póstur!
Ég þakka þér fyrir að birta
bréfin sem ég hef skrifað þér á
undanförnum árum, ogfyrir-
fram þakkir fœrðu ef þú birtir
þetta. Að vísu er ég mjög ást-
fangin (og hef verið það
undanfarin ár meira að segja
allan tímann af þeim sama), en
ég sturtaði því „ástarævintýri”
niður um klósettið með hálf-
vitalegri framkomu á síðasta
fylliríi. En ég ætla ekki að
biðja þig að redda því. Ertu
annars klósettkafari? Eg á nóg
af öðrum vandamálum sem þú
og ég getum glímt við. Það,
sem ég valdi handa þér, er eitt
af þeim stærstu. Þannig er mál
með vexti að ég veit enn ósköp
lítið um kynlíf og þó að
mamma hafi margoft sagt að
ég œtti endilega að spyrja hana
um allt sem mig langar að vita
um þessi mál, þá á ég óskap-
lega erfitt með að tala um
kynlíf við hana og alla yfirleitt.
Og ekki hefur verið minnst
einu orðiáþennan „sóðaskap"
í skólanum. En það, sem ég
ætla að biðja þig að gera, er að
benda mér á einhverjar góðar
bækur um þessi efni. Jæja, að
næstsíðustu langar mig að
biðja þig að segja mér hvað þú
lesl úr skriffinnskunni. Þú þarft
ekki að segja mér hvað ég er
gömul, þú gerðir það í síðasta
bréfi, þó þér virðist ekki bera
saman við kirkjubækur og
þjóðskrá. Inga K.
Pósturinn hefur haft hin fjöl-
breyttustu stöðuheiti, en klósett-
kafari er varla í þeim hópi.
Annars er þetta svolítið tvíeggj-
að með að sturta niður
ævintýrinu. Hvernig fórstu
eiginlega að því? Varla hefur það
verið mótaðilinn sem þú sendir
þá leiðina. Og hvernig væri að
i láta fylliri lönd og leið. Það
verður víst aldrei of oft sagt að
misnotkun áfengis er með því
neikvæðasta sem komið getur
fyrir á unglingsárunum. Það er
samt ekki þar með sagt að
Pósturinn sé á móti vínnotkun,
síður en svo. En á það þarf að
læra eins og svo margt annað,
eða hver sest í fyrsta sinn á
ævinni undir stýri og ekur svo
eftirlitslaust um allan bæ?
Bækur um kynlíf getur þú
fengið á öllum bókasöfnum og í
flestum bókaverslunum. Einnig
er mjög góð kynfræðsludeild á
Heilsuverndarstöðinni, þar sem
þú getur fengið bæði bækur og
alls konar bæklinga um þetta
efni. Þetta er ekki fyrsta og
örugglega ekki síðasta bréfið
sem Póstinum berst um þetta
efni og Ijóst er að skólarnir hafa
illilega brugðist í þessu efni.
Úr skriftinni má lesa forvitni,
fljótfærni og lífsgleði og mikið er
leiðinlegt að Póstinum skuli ekki
bera saman við kirkjubækur og
þjóðskrá. Við því er bara eitt úr-
ræði. Næst þegar þú vilt vita
hvað þú ert gömul skaltu ekki
spyrja Póstinn heldur hringja
beint í Hagstofuna.
Mánaðarlega 132 síður af fjölbreyttu
lesefni fyrir alla fjölskylduna. 1584 síður á
ári - Já, ÚRVAL er bók í blaðformi.
23. tbl. Vikan 63