Vikan - 23.08.1979, Síða 27

Övenjumikil þátttaka í sumargetrauninni:
Þrjár konur
hirtu öll
verðlaunin
Þátttakan í sumargetraun Vikunnar var
óvenjulega mikil í ár og bárust okkur fjöldi
lausna, sem flestar voru laukréttar, enda
má segja, að getraunin hafi ekki verið
strangt gáfnapróf, enda alls ekki ætlunin.
Verðlaunin voru þrenn, allt ferðir með
ferðaskrifstofunni Úrval til fjarlægra sólar-
stranda, hálfsmánaðarferðir fyrir tvo.
Urslitin urðu sem hér segir:
1. Guðlaug Magnúsdóttir, Presthúsa-
braut 33, Akranesi vann tveggja vikna ferð
fyrir tvo til Ibiza.
2. Birgitta Björnsdóttir, Grýtubakka 28,
Reykjavík vann tveggja vikna ferð fyrir
tvo til Kanaríeyja.
3. Elísabet Svansdóttir, Daibraut 10,
Búðardal, vann tveggja vikna ferð fyrir tvo
til Mallorka.
Allt eru þetta ferðir með ferðaskrifstof-
unni Úrval, eins og áður sagði.
Vikan þakkar öllum hinum fjölmörgu
lesendum sínum, sem þátt tóku í getraun-
inni, kærlega fyrir og vonar, að allir hafi
haft gaman af: -HP:
Sendimaður okkar á ritstjóm, Elva Björk Ellerts-
dóttir, dró úr róttum lausnum i sumargetraun-
inni.
„Ég? Er þad?”...
„ÉG? Er það? .... voru viðbrögð
Birgittu Björnsdóttur 16 ára við tilkynning-
unni um, að hún hefði unnið tveggja vikna
ferð til Kanaríeyja með ferðaskrifstofunni
Úrval i sumargetraun Vikunnar. Hún
sagðist hafa komið til Mallorka áður, en
aldrei til Kanaríeyja. Hún hefði tekið þátt í
getrauninni að gamni sínu og ekki látið sér
til hugar koma, að hún myndi vinna til
verðlauna.
„Það var gaman að taka þátt í þessu og
ég þakka bara fyrir mig,” sagði Birgitta.
„Hef aldrei veriö
erlendis” ...
„Ertu nokkuð að gera grín?” spurði
Elísabet Svansdóttir í Búðardal er við
höfðum samband við hana. Hún vann
þriðju verðlaun í sumargetrauninni,
tveggja vikna ferð fyrir tvo til Mallorka á
vegum ferðaskrifstofunnar Úrval. „Nei, ég
hef aldrei komið út fyrir landsteinana fyrr
og ætla svo sannarlega að grípa tækifærið.
Eg þakka fyrir mig...”
„Og ég sem er
svo flughrædd...”
„Það er aldeilis! Maður hefur aldeilis fréttir
að færa manninum, f>egar hann kemur
heim,” sagði Guðlaug Magnúsdóttir á
Akranesi er við tilkynntum henni, að hún
hefði unnið 1. verðlaun í sumargetraun
Vikunnar. „Það er verst, hvað ég er ferlega
flughrædd, ég efast um, að ég þori að fara
neitt.”
Guðlaug sagði, að þau hjónin, en maður
hennar er Valur Þór Þóroddsson, háseti á
togaranum Krossvík frá Akranesi, hefðu
nýverið farið í stutt ferðalag um landið, „en
það reynum við að gera á hverju ári,” sagði
Guðlaug. „Ég hef hins vegar aldrei komið
til útlanda á æfi minni, svo ég veit ekki
hvað verður nú, þegar ég fæ þetta svona
upp í hendurnar.”
34. tbl.VIKanZ7