Vikan - 23.08.1979, Síða 31

Övenjulegir hæfileikar og mikil vinna er grundvöllur frægöar
TRIC
Hljómsveitin Electric Light Orchestra
kom fyrst fram á sjónarsviðið árið 1969
og var henni strax frá upphafi ætlað að
ná heimsfrægð.
Stofnendur voru félagarnir Carl
Wayne og Roy Wood en þeir voru þá
báðir starfandi í hljómsveitinni Move.
Stofnun ELO átti að gerbylta öllum
gömlum hefðum í sambandi við rokk-
hljómsveitir. Þeir félagar unnu að því í
sameiningu allt frá stofnun hljómsveit-
arinnar þar til Roy Wood hætti á árinu
1972 og stofnaði hljómsveitina Wizard.
Fyrsta litla platan náði athygli rokk-
unnenda og óvæntum vinsældum.
Platan var nefnd 10538 Overture og
viðtökurnar urðu ELO talsverð lyfti-
stöng. Stórar plötur fylgdu í kjölfarið og
hver kannast ekki við gamla Chuck
Berry-lagið Roll over Beethoven í flutn-
ingi ELO, en þeir bættu upphafsstefi úr
fimmtu sinfóníu Beethovens framan
við. Þetta lag þykir einkennandi fyrir
aðferðir ELO, því þeir leika rokk og
krydda það svo klassísku ívafi. Fæstar
rokkhljómsveitir höfðu reynt að nota
hljóðfæri eins og fiðlu og selló en það
gerðu ELO með ágætum árangri.
Hljómsveitin þykir mjög sérstæð og erf-
itt að kenna hana við einhverja ákveðna
tónlistarstefnu. Jeff Lynne segir sjálfur
að einna helst mætti greina áhrif frá
Bítlunum og Tchaikowsky.
Lykillinn að velgengninni er þó tví-
mælalaust óvenjulegir hæfileikar og
starfsaðferðir þeirra félaga. Þar hefur
vinnan verið aðalatriðið og allir lifa þeir
mjög einföldu og reglubundnu lífi. Flest-
ir búa ennþá í nágrenni Birmingham á
Englandi, þar sem rætur hljómsveitar-
innar standa og sjálfir eru þeir sann-
færðir um að margir aðdáendur þeirra
eigi ólíkt viðburðaríkara og sögulegra
einkalíf en þeir sjálfir.
baj