Vikan - 12.06.1980, Blaðsíða 30

Draumar
Saur út um allt gólf
Kæri draumráðandi!
Mig langar til þess að biðja
þig að ráða þennan draum fyrir
mig, sem mig dreymdi fyrir
tveimur mánuðum og læt
loksins verða af því að skrifa
þér.
Draumurinn er svona:
Ég sat á klósetli á ókunnum
stað og mér fannst ég aldrei
ætla að verða búin að gera
þarfir mínar. Loksins þegar
þetta er afstaðið er saur um allt
gólf (gólfð var mjög lítið) og
nær upp að klósettsetu. Ég
reyni nú að hreinsa mig af
bestu getu.
Síðan geng égfram á gang og
hitti þá J'yrir skólabróður minn,
sem . . . hét, og segi við hann:
„Ert þú hérna, ” og hann
jánkar því. Síðan sný ég mér
að stúlku sem var með honum
og segi við hana: „Nei, og þú
líka hérna . . . mín. ” Hún
kinkar brosandi kolli en segir
ekkert.
Draumurinn varð ekki lengri
— en ég vil taka það fram að
þau eru bæði dáin og voru
góðir vinir.
Þökk fyrir birtinguna.
Ein berdreymin.
Eftir öllum sólarmerkjum að
dæma muntu detta í hinn eftir-
sótta lukkupott einhvem tímann
alveg á næstunni. Bæði salernið
og saurinn boða þér mikla
peninga og þú færð þá greinilega
næstum alla í einu lagi. Oftlega
hafa draumar sem þessi verið
fyrirboði happdrættisvinnings
eða annarra álíka atburða. Nöfn
hinn látnu vina þinna benda
eindregið í þessa sömu átt og
undirstrika í raun þá hagnaðar-
von sem draumurinn boðar þér
augljóslega. í þessu tilviki eru
tákn þess, sem sumir trúa, að
látnir vinir geti birst lifendum í
draurni til þess að segja fyrir um
mikla atburði, bæði góða og
slæma. Nöfn þeirra eru bæði
mjög góð í draumi og sem fyrr
segir er aðeins um undirstrikun á
jákvæðum þáttum að ræða.
Dreymir sömu
manneskj-
urnar aftur og
aftur
Kæri draumráðandi!
Ég er alltaf yfrfuU af
draumum og er alltaf að
dreyma sömu manneskjurnar,
næstum á hverri nóttu.
í nótt dreymdi mig að ég
væri heima hjá fyrrverandi
eiginmanni mínum og sambýlis-
konu hans. Mér fannst ég vera
að passa fyrir þau barn sem
þau áttu (þau eiga ekki barn).
Barnið var stelpa. Þar sem ég
er stödd í stofunni stel ég frá
henni lampaskermi, svakastór-
um. Hann var af lampa sem
mér fannst hann hafa gefð
henni. Svo var eitthvað meira
sem ég tók Jrá henni, eitthvert
sælgæti minnir mig.
Jæja, svo er hún komin heim
til mín, svona I kurteisis-
heimsókn fannst mér, en ég var
búin að fela skerminn. En hún
var greinilega alls staðar að gá
; að honum, svona I laumi.
Hálfsá ég nú eftir þessu en mér
fannst hún gruna mig. Ég var
ekki alveg örugg og ætlaði að
þræta ef hún bœri þetta upp á
mig.
Svo er ég seinna komin til
þeirra í heimsókn (með dætur
okkar tvœr) og ég er að segja
við hana að nú ætli ég að fá
manninn minn aftur. / draumn-
um fannst mér ég Ijúga því að
hann vildi koma til mín. Hún
sagðist aldrei sleppa honum og
trúði því ekki að hann vildi fara
frá henni. Þá segi ég: „Þú
fékkst manninn minn þegar við
vorum loksins komin á græna
grein og höfðum það gott, laus
við allar skuldir. Þú manst ekki
eftir fátæktinni með honum
eins og ég. ” Eitthvað fleira
sagði ég við hana I sama dúr.
Þegar ég var búin að segja
henni þetta allt ætlaði hún ekki
að vilja hleypa mér inn, en þá
var hann þar og gaf henni Ijótt
auga og sagði: „Þær koma víst
inn. ”
Annar draumurinn er þannig
að hann er í heimsókn hjá mér
og það kemur læknir og hann
ætlar að drepa hann. En ég
bjarga honum og við hlaupum
út.
Þriðji draumurinn var
þannig að hún er að gœta
kornabarns fyrir mig og var ég
hálfhrædd um að þau myndu
ætla sér að eiga það. Því kem
ég þangað og beygi mig yfir
vögguna og barnið brosir svo
fallega til mín. Þá vissi ég að
þetta var fyrsta brosið og nú
ætlaði ég að taka það heim
með mér.
Þetta læt ég duga núna, en
spyr um ráðningu, því reyndar
er Jlest í þessum draumum ólíkt
því sem er í vökunni. Það er
samt vonandi að þú getir
gefið mér ráðningu á þessum
draumum, sem láta mig aldrei í
friði.
Þakka þér fyrirfram og skrifa
aftur seinna. Bless. s
Þessir draumar eru fyrir góðu og
á það einkum við um þig og þitt
heimili. Merkingin er sýnu verri
fyrir fyrrverandi mann þinn og
sambýiiskonu hans. Merking
drauma af þessu tagi getur þó
verið með ýmsu móti og það er
til í dæminu að hugsanir í
vökunni brengli merkinguna og
hafi bein áhrif á atburðarás í
draumnum. í slíkum tilvikum er
vafasamt að telja táknin mark-
tæk nema að litlu leyti. Ýmislegt
bendir þó til þess að umhverfis-
breyting gæti orðið þér til góðs
og breytt ýmsu sem ekki er með
besta móti um þessar mundir.