Vikan - 12.06.1980, Page 39

Erlent
Tilviljun?
Dauði
tveggja
forseta
Undarlega margt er líkt með
morðunum á Abraham Lincoln
og John F. Kennedy. Fleira en
svo að það verði skýrt með
orðinu „tilviljun”. Svo verður
þó að gera.
Abraham Lincoln var fyrst
kjörinn á þing 1846. John F.
Kennedy fylgdi í fótspor hans
nákvæmlega 100 árum síðar.
Lincoln var kosinn 16. forseti
Bandaríkjanna 6. nóvember
1860. Kennedy var kosinn 35.
forsetinn 8. nóvember 1960.
Eftirmenn þeirra beggja hétu
báðir Johnson. Andrew
Johnson, eftirmaður Lincolns,
var fæddur árið 1808. Lyndon
B. Johnson fæddist 1908.
Morðingi Lincolns, John
Wilkes Booth, fæddist 1838 en
morðingi Kennedys, Lee
Harvey Osvald, 101 ári síðar.
Báðir voru þessir menn frá
Suðurrikjunum og báðir voru
þeir drepnir áður en hægt var
að draga þá fyrir rétt.
Booth skaut Lincoln i leikhúsi
og hljóp siðan í felur í vöruhús.
Osvald skaut aftur á móti á
Kennedy úr glugga vöruhúss og
flýði síðan í kvikmyndahús.
Daginn sem Lincoln var
myrtur sagði hann við einn
varða sinna: „Mér segir svo
hugur að menn sitji um lif mitt.
. . ef þeir láta til skarar skríða
verður mér ekki forðað.”
Kennedy tjáði konu sinni og
ráðgjafa að ef einhver reyndi að
skjóta sig með riffli úr glugga þá
væri ekkert við því að gera. „Því
þá að hafa áhyggjur,” bætti
hann við.
Svo undarlega vill til að þessi
orð voru sögð að morgni 22.
nóvember 1963. Nokkrum
stundum síðar var Kennedy
allur.
Lincoln og Kennedy voru
-báðir myrtir á föstudegi, báðir
voru skotnir i hnakkann og
báðir voru í fylgd eiginkvenna
sinna þessa örlagariku daga.
Lincoln var skotinn í Ford-
leikhúsinu. Kennedy var
skotinn í bíl af Ford gerð — en
tegundarheitið var Lincoln.
t lokin má geta þess að einka-
ritari Kennedys varaði hann
sérlega við að fara til Dallas
þennan dag. Einkaritarinn hét
Evelyn Lincoln.
24. tbl. Vlkan 39