Vikan - 17.04.1986, Blaðsíða 22

UMSJON: HILMAR KARLSSON
GÖMLU, GÓDU KÚREKARNIR
★
RUSTLERS Rl IAPSODV.
Lciksljúri: 1 iugh Wilson.
Aðalhlutvcrk: T'0111 Bcrcngcr, Marilu
I lcnncr og Andy Griffilli.
Syningartimi: 85 min.
Það má segja að Rustlers Rhapsody
sé óður til gömu, góðu kúrekamyndanna
þegar hetjan var hvítklædd og snyrtileg
og hafði gítarinn alltaf til taks. Sérstaklega
duttu mér í hug Roy Rogers myndirnar
sem allir heilbrigðir strákar sóttu stíft að
sjá á þrjúsýningum i Austurbæjarbíói,
enda er Rex O'Herlihan (Tom Berenger)
í Rustlers Rhapsody eins og spegilmynd
af Roy Rogers og hesturinn hans. sem
kallast Wildfire, er nákvæm eftirliking aí
Trigger. hestinum hans Roy.
Það fer ekki á milli mála að Rex er
góði maðurinn. Atvinna hans er að
hreinsa til í bæjum þar setn vondur land-
eigandi ræður venjulega rikjum. Hann
pantar mjólk á barnum og skýtur bófana
aðeins í hendurnar. Og að sjálfsögðu falla
knæpustelpurnar fyrir nonum. Þær eru
venjulega góðar sálir sem aðeins vinna
þessa óþrifalegu vinnu til að hjálpa aldr-
aðri móður. Nú. svo er gitarinn til staðai
við eldinn á kvöldin.
Ekki svo vitlaus hugmynd að endur-
vekja gömlu, góðu kúrekamyndimar. Það
sem aftur á móti misheppnast gjörsamlega
er grinið. Aðstandendur myndarinnar
hafa ætlað að gera allsherjar grínmynd
og fengið til liðs við sig Hugh Wilson, sem
leikstýrði fyrstu Police Academy mynd-
inni, og þar að auki fengið G.W. Bailey,
sem stóð sig eftirminnilega i þeirri mynd.
til að leika róna bæjarins. Árangurinn er
gamanmynd sem í heild er mislukkuð.
Að vísu eru einstaka atriði fyndin en þau
eru of fá. Það er nefnilega tneð mynd eins
og Rustlcrs Rhapsody, sem byggð er á
fáránleikaatriðum, að ef gríriið mistekst
þá á hún sér ekki viðreisnar von þrátt
fyrir góðan vilja leikara sem annarra.
22 VIKAN 16. TBL.
BÍLALEIKUR
★★
SHAKER’S RUN.
I cikstjnri: Brucc Robinson.
Aðallcikarar: Cliff Robcrtson, Lisa Harrtm
og Lcif Garrctt.
Sýningartínú: 94 mín.
Shaker's Run er riýsjálensk kviktnynd
sem fetar dyggilega í spor bandarískra
bilahasarmynda. Samt má segja að hún
skeri sig nokkuð úr öðrum álika. Myndin
cr skemmtilega gerð og kvikmynduð og
landslagið er mjög frábrugðið amerisku
landslagi.
Clifl' Robertson og LeifGarrett. banda-
riskir leikarar. leika tvo félaga sem hafa
það að atvinnu að sýna hættuatriði á bíl.
Sliaker. en svo nefnist bílstjórinn sem
Robertson leikur. hafði áður fyrr verið
mjög frægur bilstjóri en eftir að hann varð
vini sínum að bana hætti hann kappakstri.
Til þeirra leitar ungur læknir. sem Lisa
I larrow leikur. og \ ill fá þá leigða í Ijög-
urra tíma keyrslu. Þeir taka boðinu pen-
inganna vegna þótt þeir fái ekki að vita
um tilganginn sent er að lauma banvænum
veirum úr landi.
Áður en þeir félagar vita af eru þeii
komnir með nýsjálenska herinn á bakið
og hefst nú geysilegur eltingaleikur um
þvert ogendilangt Nýja-Sjáland.
Shaker's Run er heilmikil spennumynd
og sum bílaatriðin eru virkilega vel gerð
og ógnvekjandi. Að sjálfsögðu er Clifl
Robertson þckktastur leikaranna. Hann
leikur Shaker, lifsleiðan kappakstursbil-
stjóra sem þrátt fyrir allt fær enn nokkuð
út úr þvi að keyra eins og brjálæðingur
um þjóðvegina. Cliff Robertson er leikari
sem aldrei bregst. Svo er einnig nú. Hann
er eini leikarinn sem gefur persónunni
einhvern karakter. í heild er Shaker’s Run
hin ágætasta afþreying þótt fyrirfram hefði
mátt búast við heilsteyptari mynd.
BRAGDDAUFUR
STRÍDSKOKKTEILL
★
STRÍDID UM STÖRA-BRETLAND.
ladkstjóri: En/io Castclari.
Aðallcikarar: Frcdcrik StalTord, \ an
Johnson og Fransisco Rabal.
Sýningartími: 110 mín.
Ef einhverjum er trúandi til að rugla
staðreyndum úr mannkynssögunni í kvik-
myndum þá eru það Ítalir sem eru þjóða
fremstir í að gera lélcgar eftirlíkingar af
frægum myndum. Stríðið um Stóra-Bret-
land erein slikra.
í byrjun myndarinnar erum við stödd
einhvers staðar í Frakklandi. Breskur
herflokkur er á leið heim. Nokkrir þraut-
þjálfaðir þýskir hermenn drepa breska
hermenn, klæðast fötum þeirra og lauma
sér inn í raðir breskra hermanna. Liðs-
foringi nokkur, sem leikinn er af Frederik
StafTord. fær grun um að ekki sé allt með
felldu.
Þjóðverjunum tekst að laumast inn í
landið og þar er strax tekið til \ ið njósnir
og upplýsingaöflun. Þetta á allt saman að
gerast rétt fyrir hinar miklu flugárásir á
England. Liðsforinginn okkar á kærustu
sem starfar í rtughernum og nær í gegnum
hana sambandi við yfirhershöfðingja flug-
hersins og varar hann við njósnurunum.
Svo einkennilega vill til að hershöfðinginn
er einnig hrifinn af stúlku liðsforingjans
svo hann lætur sér fátt um finnast. Það
sem liðsforinginn veit ekki er að hemiaður
einn. sem hafði orðið vinur hans á heim-
leiðinni. er þýskur foringi...
Það verður nú að segjast eins og er að
Stríðið um Stóra-Bretland er frekar
ómerkileg mynd hvernig sem á hana er
litið. Staðreyndum er hagrætt svo passi
\ið rómantiskan söguþráð mvndarinnar
og ekki er frumleikanum fyrir að fara.
l>essi mynd hefur verið gerð í hundruðum
útgáfa áður. Ef eitthvað aðgreinir hana
frá öðrum álíka er það einna helst að
þýsku hennennirnir eru sýndir á mann-
legri hátt en maður á að venjast i þessari
gerð af myndum. Stríðið um Stóra-Bret-
land er eingöngu fyrir þá sem hafa gaman
af stríðsmyndum.
JOHN WAYNE í LONDON
★★
BRANNIGAN.
Lcikstjóri: Douglas I lickox.
Aðallcikarar: John Wayne, Richard Attcn-
borough og Judy Gccson.
Sýningartínii: 111 mín.
Brannigan er ein síðasta ef ekki síðasta
myndin sem John Wayne lék í. Um leið
er hún nokkru öðruvísi en þær myndir sem
hann er þekktastur fyrir. Hér er hann
ekki í kúrekafötum og það sem meira er.
myndin gerist i London, á stað sem fyrir-
fram hefði mátt halda að væri ekki réttur
fyrir John Wayne.
Wayne leikur hér Chicagolöggu,
Brannigan, sem send er til London til að
ná í þekktan glæpamann. Þar hittir hann
fyrir yfimiann Scotland Yard sem leikinn
er af Richard Attenborough. Það er ekki
að sökum að spyrja. um leið og Brannigan
birtist hverfur stórglæponinn af sjónar-
sviðinu og virðist sem honum hafi verið
rænt. Brannigan. sem er lögga í ekta
Chicagostíl. telur að hér séu brögð í tafli
og hefur eigin rannsókn í trássi við lögregl-
una.
í fyrstu fara ræningjamir nokkuð illa
með lögregluna en Brannigan er fljótur
að koma reglu á hlutina og að sjálfsögðu
stendur hann að lokum með pálmann i
höndunum og er búinn að afla sér virðing-
ar heldri mannanna hjá Scotland Yard.
Söguþráðurinn í Brannigan er ekki
merkilegur. Aftur á móti er John Wayne
það sterkur og sjarmerandi persónuleiki
að gaman má hafa af. Það verður þó að
viðurkennast að hann er eins og illa gerður
hlutur innan um kúluhattana i London
og hann er sífellt fjasandi um að ekki fáist
almennilegir hamborgarar. Ekki er laust
\ið að þótt hann sé að leika þá liti hann
niður á allt sem er ekki amerískt. Branni-
gan er skemmtileg sakamálamynd með
öllu sem tilheyrir. bílaeltingaleik. skot-
hasar og smárómantík. mynd sem ein-
göngu er ætluð til að skemmta.