Vikan - 17.04.1986, Blaðsíða 51

P 0 S T U R

SVO OTTA-
LEGA HEIMSK
OG ALLTÞAÐ
Kæri Póstur!
Ég vona að Helga sé södd því ég er að
deyja og þú ert mín eina lausn. Þannig er
mál með vexti að ég er 1 5 ára og þjáist af
minnimáttarkennd. Mér finnst ég svo hræði-
lega heimsk og Ijót og ég veit að ég er það.
Foreldrar mínir láta það óspart í Ijós þannig
að ég hlýt að vera það. Til dæmis í fyrra var
ég með 4-5 í öllum fögum og ég veit að
ég næ ekki 9. bekk - og hvað segir fólk um
mig þá? Ég er farin að hugsa um sjálfsmorð
á hverju kvöldi. Ætti ég að leita til sálfræð-
ings?
Ein heimsk.
P.S. Ég vona að ég þú svarir þessum spurn-
ingum. Hvað má vera með margar einkunnir
fyrir neðan 5 til að ná samræmdu prófunum?
Er 9. bekkurorðinn skylda?
Þú þjáist sannarlega afslæmri minnimátt-
arkennd og finnstþú sjálf algjörlega ómögu-
legt. Það er ekki óalgeng tilfinning og kemur
fram hjá fólki á öllum aldri en ekki síst
unglingum. Það er nú svo að enginn er
fullkominn og reyndar eru allir menn óra-
langt frá þvi þó svo að sumir virðist meiri
kostum búnir en að'rir. En allir hafa eitthvað
til síns ágætis og það er mjög mikilvægt að
fólk gerir sér grein fyrir bæði kostum sínum
og göllum. Allir þurfa að finna sína eigin
sjálfsmynd, læra að þekkja sjálfa sig. breyta
þeim ósiðum og göllum sem hægt er að
bæta úrog sætta sig við annað. Efþú skoðar
málið grannt og hlutlaust þá veistu vel að
þú ert hvorki heimskari né Ijótari en annað
fólk. Ef til vi'II ert þú ekkert gáfnaljós og ef
til vill ekki heldur nein fegurðardrottning.
En þú hefur samt margt gott til að bera.
Foreldrar þínir meina áreiðanlega ekki eins
illa og þú heldur. Þú ættir fyrir alla muni að
reyna að ræða málin við þau og trúa þeim
fyrir að þér líði illa. Varðandi skólanám getur
víst enginn maður gert betur en sitt besta.
Ef þú leggur þig fram við námið og reynir
eins vel og þú getur þá verða bæði þú og
aðrir að sætta sig við að meira er ekki hægt.
En það er líka hægt að fá hjálp í einstökum
fögum og fyrir alla muni ekki missa móðinn.
Það eru margir sem ekki ná samræmdu
prófunum og ekki farast himinn og jörð þess
vegna. Það er bara að reyna aftur og velja
sér síðan námsbrautir við hæfi. Samræmd
grunnskólapróf eru tekin i fjórum fögum.
íslensku. ensku. stærðfræði og einu Norður-
landamáli. Skólarnir gefa líka einkunnir í
þessum fögum og það er meðaltal einkunna
úr samræmdu prófi og skólaeinkunnar sem
gildir. Nemendur mega hafa undir 5 í tveimur
greinum án þess að falla. Lokaeinkunnin
gildirsíðan inn í alla framhaldsskólana.
AÐDÁENDA-
KLÚBBUR
DAVID BOWIE
Elsku Póstur!
Hvert er heimilisfang aðdáendaklúbbs
David Bowie. Ég verð að fá að vita það strax.
UF.
Pósturinn hefur utanáskrift klúbbs sem
nefnist Bowie Friends og hún er:
Bowie Friends
104 St. John 's Wood Terrace
London NW8
England
Margir hafa skrifað Póstinum og beðið
um heimilisföng sem skrifa mætti á til vin-
sælla leikara. Hérkoma nokkur:
Ralph Macchio c/o Karate Kid
Columbia Pictures
Columbia Plaza
Burbank, California 91523
U.S.A.
Matt Dillon
P.O. Box 800
Old Chelsea Station
New York. New York 10011
U.S.A.
RobLowe
c/o PMK Public Relations
8642 Melrose Avenue
LosAngeles
California 90069
U.S.A.
FATA-
HÖNNUN
Hæ, hæ, kæri Póstur!
Mig vantar að vita eitthvað um fatahönn-
un, til dæmis í hvaða skóla ég myndi þurfa
að fara, hvað það tæki mörg ár og hvaða
vinnu væri hægt að fá. Ef ég yrði fatahönn-
uður og langaði að opna fatabúð (með fatn-
að) -yrði ég þá að fara á verslunarþraut?
Eva.
P.S. Ef þú getur sagt mér eitthvað meira um
fatahönnun þá gerðu það endilega, kæri
Póstur.
Fatahönnun er ekki hægt að læra á islandi
og því þyrftir þú að fara utan til náms. Þeir
islendingar sem farið hafa til náms i fata-
hönnun hafa farið um allan heim. en helst
il Danmerkur, Þýskalands. Frakklands og
Bandaríkjanna. Námið er mjög mislangt og
misjafnlega uppbyggt eftir skólum. Besta
ráðið fyrirþig væri að fara í sendiráð viðkom-
andi landa og fá upplýsingar um skóla og
skrifa þeim síðan til að fá upplýsingar. Áður
en þú byrjar að læra fatahönnun þarftu að
hafa lokið stúdentsprófi og gott er að undir-
búa sig með þvi að læra tungumálið sem
talað er í landinu sem þú hyggst fara til. Til
þess að opna verslun þarf verslunarleyfi. Til
þess að fá það þarfað hafa próffrá verslun-
ar- eða samvinnuskóla eða minnst tveggja
ára starfsreynslu við verslun. Það væri því
mjög sterkur leikur hjá þér að Ijúka stúdents-
prófi af verslunarbraut áður en þú byrjar i
fatahönnun.
Þeir sem lokið hafa prófi í fatahönnun
starfa til dæmis sem hönnuðir hjá ullarvöru-
fyrirtækjum eða öðrum fataframleiðslufyrir-
tækjum. Sumir hafa stofnað eigin fyrirtæki
og saumastofur. Fatahönnun ermjög vinsæl
grein og atvinnumöguleikarnir ef til vill
ekkert óskaplega miklir. Það er þó engin
ástæða til að láta það aftra sér. Það eru
miklir ónýttir möguleikar á islandi í fatafram-
leiðslu bæði fyrir innlendan markað og út-
flutning og alltaf þörf fyrir hugmyndarikt og
kjarkmikið fólk.
16. TBL. VIKAN 51