Vikan - 17.04.1986, Blaðsíða 36

HOu
0 F
Ibyrjun mars birti breska
músíkblaðið New Musical
Express úrslit vinsælda-
kosninga lesenda sinna. Sig-
urvegari kosninganna var
án efa hljómsveitin The
Smiths sem hefur átt miklu
fylgi að fagna í bresku músíklífi
hin síðari ár og þá sérstaklega
söngvarinn og textahöfundurinn
Morrissey, sem er sá ungi nu.ður
í breskri tónlist í dag sem hefur
hvað forvitnilegasta hluti að
segja að mati blaðamanna.
The Smiths er skipuð eftirtöld-
um mönnum: Morrissey, söngur,
Johnny Marr, gitar, Andy Ro-
urke á bassa og Mike Joyce á
trommur. Hér á eftir fara þeir
listar sem hljómsveitin var á og
í hvaða sæti hún varð.
Besta hljómsveitin (1).
Besti söngvari (1).
Bestu texta/lagahöfundar (1).
Besta smáskífa (2 og 6).
LP ársins (1).
Bestir á sviði (3).
Yndislegasta mannveran (Morr-
issey 2).
Best klæddur (Morrissey 1).
Verst klæddur (Morrissey 7).
Besta vídeó (12).
Besta plötuumslag (5).
Meira var það ekki enda eigin-
lega ekki margir aðrir listar til
að vera á.
En hvaðan kemur þessi hljóm-
sveit sem virðist eiga svo greiðan
aðgang að hjörtum og buddum
breskra tónlistarunnenda?
The Smiths var stofnuð af gít-
arleikaranum Johnny Marr sem
fékk í lið með sér nærsýna og
hreinlífa grænmetisætu að nafni
Morrissey, ættaðan úr Whally
Range fátækrahverfinu í Manc-
hester.
Áætlun Marr var að setja á
stofn hljómsveit sem spilaði
áheyrilega tónlist sem væri þó
frábrugðin þeirri ládeyðutónlist
sem var allsráðandi í poppinu á
þeim tíma. Með samhljómun
texta Morrissey og tónlistar
Marr má segja að þetta hafi haft
alla burði til að takast, sem það
og gerði. Með innkomu bassa-
leikarans Andv Rourke og
trommarans Mike Joyce var The
Smiths fullskipuð.
The Smiths kom fyrst fram í
september 1982 og var óþreytandi
við að koma fram á hinum og
þessum stöðurn. Það leið ekki á
löngu þar til njósnarar frá Rough
Trade hljómplötuútgáfunni
fengu fréttir af þessum efnilegu
drengjum og það var ekkert verið
að tvínóna við hlutina, Rough
Trade gerði langtíma samning
við hljómsveitina og mun það
hafa verið í fyrsta skipti sem
fyrirtækið gerði slíkan samning
við nokkra hljómsveit.
Fyrsta smáskífa The Smiths
kom út í maí 1983 og var það
lagið Hand in a Glove. Eftir
útkomu hennar héldu þeir félag-
ar áfram upptökum en hættu í
miðju kafi eftir að þeir hittu
upptökustjórann John Porter í
þætti hjá David Jensen. Strák-
arnir voru svo hrifnir af því hve
vel Porter líkaði tónlistin þeirra
að þeir tóku allt upp aftur.
The Charming Man var nafnið
á smáskífu númer tvö. í kjölfar
36 VIKAN 16. TBL.