Vikan - 23.03.1989, Blaðsíða 33
RAUPAÐ 0(5 RI55AÐ
Fyrirsætan, Flosi
og blóraböggullinn
Pyrirsætan
Margir kannast við hina fögru Krists-
myndastyttu Einars Jónssonar, þar sem
frelsarinn stendur í skósíðum kyrtli og
krossleggur hendurnar á brjósti sér. En
þeir eru færri sem vita, hver fyrirmyndin
yar, en hún var engin önnur en Guðmund-
Ur J. Guðmundsson verkalýðsleiðtogi.
Guðmundur var ungur maður í bæjarvinn-
unni þegar myndhöggvarinn kom að máli
v>ð hann og bauð honum betri laun hjá
sér, en hann hafði hjá bænum. Þetta þáði
ungi maðurinn, og því var skrokkur hans
gerður ódauðlegur í áðurnefndri mynd.
Blóraböggullinn
Mikið vorum við nú hneyksiaðir íslend-
ingar, þegar upp komst að forseti Hæsta-
réttar hefði tekið til við að safna áfengis-
flöskum, (fullum), sem einn af handhöfum
forsetavalds. Þegar þessi framtakssemi
forsetans komst upp þá dreif hann í því að
skila nokkrum hundruðum ódrukkinna
flaskna og hafði þá jafhað metin við aðra,
sem í sömu aðstöðu höfðu verið. En það
dugði ekki til. Dómsmálaráðherrann svifti
forsetann hempunni. Vildu nú ýmsir að
fleiri embættismenn sem sannanlega höfðu
misnotað aðstöðu sína yrðu látnir fækka
fötunum, en dómsmálaráðherrann tók þá
ákvörðun að nóg væri að gert. Gátu nú
ýmsir andað léttara, enda líklegt að alvar-
legt ástand hefði skapast í þjóðfélaginu ef
embættismönnum hefði fækkað um of svo
skyndilega.
Flosi á ferð
Fyrir allmörgum árum var Flosi Ólafs-
son á leið frá Akureyri til Reykjavíkur.
Flosi hafði verið að skemmta sér í höfuð-
stað Norðurlands og tók Norðurleiða-
rútuna snemma morguns. Eins og flestir
vita hefur Flosi oft sinnis sent þeim tóninn
þar nyrðra og er þess skemmst að minnast
er hann var að því spurður í viðtali hvort
hann vildi búa á Akureyri. Jú, Flosi hafði
svo sem ekkert á móti því að flytja til
Akureyrar, ef hann mætti taka Reykvíkinga
með sér þangað. En Flosi var sem fyrr seg-
ir á leiðinni með Norðurleiðarútunni til
Reykjavíkur. Þegar hann ók út úr bænum
þennan fagra morgun varð honum á orði:
Á Akureyri er um það bil
ekki neins að sakna.
Jú - þar er fagurt þangað til
þorpsbúarnir vakna.
6. TBL. 1989 VIKAN 31