Vikan - 10.01.1991, Side 27

LEIKMANNSÞANKAR ATLA HRAUNFJÖRÐ UM LÍFIÐ OG TILVERUNA

„Dr. Helgl Pjeturss gat í raun ekkl fengift aðra niðurstöðu en þá að
við flutning frá jörðinni hlytu menn líkama á annarri jörð í
alheiminum," segir hér í leikmannsþönkum Atla Hraunfjörð.
Dr. Helgi Pjeturss fann
út ýmislegt um framlif
eftir lestur fjölmargra
andatrúarbóka eöa bóka um
dulræn mál. Hann átti I bréfa-
skriftum við margan gáfu-
manninn er lét sig hafa það
þrátt fyrir mótbyr almennings-
álitsins eða umhverfisins að
rannsaka þessi forvitnilegu
mál. Þótt þessir menn hafi ekki
fengið sömu niðurstöðu úr sín-
um rannsóknum og dr. Helgi
Pjeturss var framlag þeirra til
þessara mála ómetanlegt
skref í átt til vísindalegra at-
hugana á þessum feimnismál-
um vísindanna. Dr. Helgi Pjet-
urss hafði það meðal annars
fram yfir þá að hann var jarð-
fræðingur og náttúrufræðingur
þannig að þegar hann las
bækur, þar sem sagt var frá
lífinu aö handan, gat hann að
sjálfsögðu ekki dregið aðrar
ályktanir en þær að verið væri
að lýsa lífi á öðrum hnöttum.
Dr. Helgi Pjeturss kannaðist
ekki við að þá landshætti er
komu fram í þessum bókum
væri að finna hér á jörðu held-
ur hlyti fólkið að vera að segja
frá landsháttum annarrar
jaröar. Hvar var þá sú jörð og
hvernig komst fólkið þangað -
ef tekin er trúanleg frásögn
fólksins og eins hitt, ef það er
sá er það segist vera?
í ritgerðinni Hinu mikla
sambandi lýsir hann því
hvernig þessir hlutir gangi fyrir
sig og hvaða lögmál ráði þar
ferðinni. Dr. Helgi Pjeturss
boðaði ekki aðeins sannleik
heldur var frekar um stað-
reynd að ræða, staðreynd
studda af rannsóknum, niður-
stöðum og síðan framsetningu
lögmálsins og ferils þess. Þeg-
ar vísindamenn nú til dags fást
við rannsóknir á fyrirbærum
efnisheimsins, sem vekja
þeim áhuga, fara þeir eins að
og dr. Helgi Pjeturss. Leit vís-
indamanna að lögmálum lífs-
ins er stöðug og hafa þeir í
vaxandi mæli farið út í það að
rannsaka sömu mál og dr..
Helgi Pjeturss. Það er aöeins
tímaspursmál hvenær þær
niðurstöður verða birtar. Þaö
er einmitt tímaspursmál hve-
nær dr. Helgi Pjeturss fær að
njóta þess heiðurs er hann á
skilið. ( Hinu mikla sambandi
segir dr. Helgi frá því á einfald-
an hátt hvernig öll þessi mystik
verður auðskilin.
Eins og áður hefur verið
minnst á er til svokallað stilli-
lögmál þar sem lífríkið stillir
sig til sambands við annað líf-
rfki. Á þaö jafnt við um menn,
dýr og plöntur. Sækjast sér um
líkir, er máltæki er lengi hefur
verið til í íslenskri tungu og er
varla hægt að skýra stillilög-
málið betur. Samkvæmt þessu
fer það eftir manns eigin hegð-
un hvar maður lendir í framlíf-
inu. Ef maður hefur tamið sér
illa hegðun hefur maður skap-
að sér illt aflsvæði, stillt sig til
illra sambanda. Eftir flutning
frá jörðinni til framlífsins lendir
maður á meðal annarra ein-
staklinga sem eru manni
skyldir i hegðun. „Sækjast sér
um líkir." Þaðan á einstakling-
urinn ekki afturkvæmt nema
hann sjái að sér og leiti eftir
auknum andlegum þroska og
þá um leið fyrirgefningu fyrir
framkomu sína við samferða-
fólk sitt íi lífinu.
Ef maðurinn hefur lifað eðli-
legu lífi, verið innan heildarafl-
svæðis jarðarinnar, lendir
hann innan um alla aðra er lif-
að hafa svipuðu lífi. Það líf er
svo líkt því lífi sem lifað er á
þessari jörð að mönnum hefur
verið erfitt að átta sig á því að
þeir væru fluttir á aðra jörð.
Aftur á móti, þegar þeir hafa
dvalið þar um tíma, sjá þeir að
þeir eru á allt öðrum stað.
Landshættir eru aðrir þó fljótt á
litið séu þeir eins. Svo bætist
það við að látnir vinir og ætt-
ingjar birtast þeim og eru að
sjálfsögðu með þéttan líkama
og ganga á sömu jörð og þeir.
Lífið á þessum nýja stað er
eins og áður var lýst. Það þarf
að fara í gegnum fyrra líferni,
gera upp lífið eins og sagt er.
Mörgum reynist það raun því
segja má að maður endurlifi
atburði lífsins aftur, góða og
slæma. Þegar maður hefur
lokið þessu af hefur viðkom-
andi þroskast áleiðis og er þá
tilbúinn að kljást við lifið eins
og það birtist honum á nýja
staðnum. Eitt það fyrsta sem
hann þarf að skilja er að kær-
leikurinn er undirstaða alls lífs
í alheimi og án kærleiks er
ekkert líf. Því fyrr sem honum
tekst að virkja kærleikann því
meira og fljótar þroskast hann.
Einnig stendur honum til boða
lærdómur margs konar.
Ef maðurinn hefur þroskað
sig upp fyrir aflsvæði umhverf-
isins kemur hann fram á hnetti
þar sem aðrir, eins og hann
lifði, koma einnig fram, ein-
staklingar sem stundað hafa
kærleiksverk hér á meðal
mannanna og skapað sér afl-
svæði kærleikans. Þeir hafa
stillt sig til sambanda við há-
þroska verur alheimsins og
þiggja þaðan afl, vit og kær-
leik. Þessir einstaklingar eiga
fyrir höndum, strax eftir
flutning, dásamlega verustaði
þar sem allt lífríkið glóir af líf-
orku og allir hlutir eru yfirmáta
fagrir, jafnt fólk, hlutir og um-
hverfi sem og lífríkið. Þótt ein-
staklingurinn lendi í hinum
versta stað eftir dauða blasir
við honum óendanlegur
þroskaferill frá a til ö, svo eitt-
hvað sé sagt. Eitt er víst,
óendanleikinn í lífi og þroska
mannsins blasir við honum í
fæðingu hans eða, ef við erum
nákvæm, þegar eggið hefur
frjóvgast er orðið líf sem erfir
óendanleikann.
Nú höfum við rakið í höfuð-
dráttum hvað við tekur eftir
dauðann eða flutning af jörð-
inni yfir á aðra jörð. Vísinda-
menn komust fljótt að því á
sfnum tíma að efni og orka er
aldrei aðskilið. f Ijósi þess
hugsaði dr. Helgi Pjeturss að
orkan gæti ekki lifað án efnis
og að hinir framliðnu væru
stöðugt að reyna að koma því
fram í samböndum sfnum við
eftirlifandi ættingja og aðra er
á þeim fundum voru staddir að
þeir lifðu í efnisheimi. Þurfti þá
frekari vitnanna við. Dr. Helgi
Pjeturss gat í raun ekki fengið
aðra niðurstöðu en þá að við
flutning frá jörðinni hlytu menn
líkama á annarri jörð í alheim-
inum. Niðurstaðan var þessi:
Þegar líforkan er hætt að geta
nært viökomandi líkama og
viðhaldiö aflsvæði hans (þ.e.
líkaminn ónýtist) leitar afl-
svæði hans til þess staðar er
viðkomandi aðili hefur stillt sig
til með framkomu sinni og
skapar þar nýjan líkama úr
efnum þeirrar jarðarer hann er
til kominn.
í aflsvæði mannsins eru
skráðar allar hans hugsanir,
atferli og tiltrú annarra til
þessa einstaklings. Lögmálinu
að baki aflsvæðinu má líkja
við rafmagn eða Ijós. Ef við
tökum fyrir rafmagnið og lítum
á að við höfum fjölda af 1,5
volta rafhlöðum og eina 220
volta peru sjáum við að því
fleiri rafhlöður sem við tengj-
um við peruna því bjartara
Ijós. Eða því sterkara verður
aflsvæði hans. Það skiptir máli
hvað við hugsum og hvað við
gerum. Ekki hvað síst skiptir
máli hvað aðrir hugsa til okkar.
Ef þú, lesandi góður, vilt
velja á hvaða stað þú ferð, er
þú yfirgefur jarðlífið, skaltu
hugleiða hvað þú getur gert í
því máli. Taktu kærleikann í
þjónustu þína, sýndu öllum og
öllu öðru lífi í umhverfi þínu
eins mikinn kærleik og þroski
þinn og vit segir til um. Lög-
málið segir að því meira sem
þú gefur af þér af kærleik því
meiri kærleik uppskerir þú af
öðrum og til því hærri sam-
banda stillir þú þig. Eitt er víst
- leið kærleikans er endalaus.
í.iBLiwi VIKAN 27