Vikan - 09.01.1992, Blaðsíða 23

von á tarantúlum (eitruðum kóngulóm) og
skröltormum. Maður var alveg á nálum að vera
að æða þarna ofan í en samt er ekki myrkur
þarna því að sólin er beint fyrir ofan.“
WHITE MEN STAY OUT!
„Það var bílflak við gjárbarminn. Á því stóð
„White men stay out“ og búið var að skjóta á
bílinn með haglabyssum. Meira að segja hafa
indíánarnir átt það til aö draga upp kaðlana
meðan menn eru niðri í gilinu þannig að þeir
verða bara að bíða eftir að næsti komi.“ Þann-
ig fóru rauðskinnar þó ekki með bleiknefinn frá
íslandi. Hann komst klakklaust upp úr gilinu
með myndavélar sínar og þrífætur. „En svo
var fyndið á leiðinni heim,“ segir Binni og
ævintýrið er ekki á enda. Þá fóru þeir í gegnum
Grand Canyon (Miklagljúfur). „Við komum
þangað á Rúgbrauðinu klukkan tólf um kvöld.
Við vorum ákveðnir í að vakna fyrir sólarupp-
rás og fara út á þar til gerða palla til að taka
myndir og lögðum á bílastæðinu svona tuttugu
metra frá pöllunum. Svo um nóttina vakna ég
við að það er að birta og ræsi drengina. Þegar
við komum út úr bílnum voru um tuttugu rútur
mættar og nokkur hundruð Japanir sem voru á
undan okkur án þess að við yrðum varir við að
þeir kæmu. Þetta var alveg stórkostlegt. Svo
um leið og sólin kom upp fóru allar japönsku
myndavélarnar í gang og þegar þeir voru búnir
að smella af fóru þeir. Við stóðum þannig allt í
einu einir eftir meö okkar myndavélar."
„INDÍÁNA BINNI"
Binni fór ( fleiri ferðalög og honum eru þau
minnisstæðust úr náminu. Hann var í náttúru-
lífsáfanga í skólanum og fór í eftirminnilega
myndatökuferð. „Þetta var fyrsta desember og
að degi til var hitinn 25 til 30 gráður en fór niður
fyrir frostmark að nóttu. Við lágum í þunnum
tjöldum eða sátum við varðeld til að halda á
okkur hita. Eftir að við sofnuðum um nóttina
byrjuðu sléttuúlfarnir að ýlfra og ég held að
mér hafi aldrei brugðið jafnmikið á ævinni,"
segir Binni og það liggur við að maður sjái
gæsahúðina spretta fram á honum.
ÍSLENDINGAR ENN UNDIR DÖNUM
„Þarna hinum megin í St.Yuez dalnum er bær-
inn Solvang, danskur bær með dönskum inn-
flytjendum. 1957 var þarna Lars eða Per eða
Per Lars eöa eitthvað svona danskt og hann
ákvað að breyta öllum húsum og byggja
þarna alveg danskan bæ. Og hann er nú
danskari en allt í Danmörku. Myllur og allsber-
ar hafmeyjar en enginn kann dönsku. Svo fór
1. TBL 1992 VIKAN 19