Vikan - 09.01.1992, Blaðsíða 37

skyldunnar í Saquarema, sem
er klukkustundar bilferö suður
af Ríó.“
Blaðamaður Vikunnar er
kominn í huganum til Brasilíu,
dansar samba og borðar suð-
ræna ávexti. Hann langar að
vita meira um þetta framandi
land. Eru áramótin í Ríó de
Janeiro frábrugðin þvi sem
gerist á íslandi?"
Leiftrandi bros færist yfir
andlit Carmenar og hún heldur
áfram:
„Á gamlárskvöld er mikill
glaumur og gleði ríkjandi. Fólk
streymir niður að Copacab-
ana- og Ipanena-strönd þar
sem flugeldasýningar eru
haldnar. Það eru stóru hótelin
Meridien og Ceasar Park sem
halda þær. Fólk opnar gjarnan
kampavínsflöskur, skálar og
sýnir drottningu hafsins, lem-
anja, lotningu sína.
Hvítum rósum er kastað í
hafið og ýmsu öðru sem fólk
telur að geti glatt drottninguna.
Þetta eru gamlir siðir, með
áhrifum frá Afríku og tengdir
trúarbrögðum þessara landa.
Það er mjög gaman að vera
ferðamaður þetta kvöld í Ríó
de Janeiro og öllum ógleym-
anlegt sem það reyna.“
Þar sem við höfum fengið
að skyggnast örlítið aftur i tím-
ann væri gaman að fá að vita
hvað er næst á döfinni. Hvað
er hún Carmen á íslandi að
hugsa og gera?
„Ég er að læra svo margt
nýtt núna. Fyrir jólin lærði ég
að baka laufabrauð og gera
jólaskreytingar hjá tengda-
móður minni. Ég fer í sund
næstum daglega, stunda leik-
fimi og nýt líðandi stundar.
Varðandi framtíðina er ég
bjartsýn, langar að gera mitt
besta og rækta sambandið við
fjölskyldu mína og vini.
Draumur minn er að vinna
við það sem ég hef lært en ég
útskrifaðist í viðskiptafræðum
úr háskólanum ( Santa Ursula
árið 1982. Ég gæti hugsað
mér að reka lítinn veitingastað
sem hefur upp á að bjóða góð-
an mat, persónulega þjónustu
og suðræna tónlist. Einnig
langar mig að kanna heiminn
betur, njóta hans og þess sem
hann hefur að gefa. Það er
einmitt það sem ég geri hér á
íslandi."
Já og blaðamaður Vikunnar
leggur til að Ægir konungur
biðli til lemanja drottningar og
þau haldi brúðkaup, gjarnan í
báðum heimsálfum. Brúðar-
vöndurinn verður að sjálf-
sögðu úr hvítum rósum og
Ægir konungur fer ffrá Reykja-
vik til Ríó de Janeiro að finna
sína yngismey. □