Vikan - 20.02.1992, Blaðsíða 12

▲ Elsa
Waage í
Óperunni
ásamt tveim
ungum þátt-
takendum í
sýningunni.
Frh. af bls. 11
SJALDGÆF RÖDD
Elsa syngur kontra-alt, rödd
sem aðeins fáum söngkonum
er gefin. Hún er dýpst kven-
raddanna og hefur að mörgu
leyti nokkra sérstöðu. í al-
fræðibókum um tónlist segir
að röddin búi yfir sérstakri
hlýju og tónbrigðum. Það eru
tiltölulega fá hlutverk í óperu-
bókmenntunum skrifuð fyrir
kontra-alt en þau eru samt all-
nokkur sé grannt skoðað.
„Það hafa margir ruglast á
röddinni því það er viss birta í
henni sem ekki er algeng í svo
djúpum röddum. Lengi framan
af héldu þess vegna margir
að ég væri sópran. Með árun-
um varð rödd mín aðeins dýpri
og þá fór ég niður í messó-
sópran. Ég kynntist ýmsum
skemmtilegum hlutverkum á
sópran-skalanum og fékk inn-
sýn inn á svið saklausu og
háttprúðu stúlkunnar en
kontra-altinum tilheyra lífs-
reyndar og móðurlegar kven-
persónur. Stundum leik ég líka
nornir - og jafnvel karla."
[ skólanum ytra tók Elsa þátt
í nokkrum óperusýningum,
þar á meðal í Brúðkaupi Fíg-
arós. Síðan var hún ráðin til að
syngja hjá litlu atvinnuóperu-
húsi þar sem hún fór með hlut-
verk í Katya Kabanova eftir
Janacek. „Hlutverkið var svo
lítið að ég þurfti bara að
syngja tvær setningar - en
slíkt getur verið jafnvel erfið-
ara en að syngja heila arlu.
Ef eitthvað fer úrskeiðis hjá
manni í þessum fáu setning-
um er ekkert til að hlaupa upp
á til að bæta fyrir það og ná
sér á strik."
ÓK LÍMÓSÍNU í NY
Það dreif ýmislegt á daga Elsu
í stórborginni New York.
Stundum þegar skórinn
kreppti og hún þurfti á meira
skotsilfri að halda til að eiga
fyrir nauðsynjum og skemmti-
legum óperusýningum voru
góð ráð dýr. Um tíma vann
hún sem ritari á stórri fast-
eignasölu sem annaðist kaup
og sölu á dýrustu glæsihúsum
borgarinnar sem aðeins frægt
fólk og auðjöfrar hafa ráð á.
Námsins vegna hentaði það
henni ekki að vinna fastan
vinnutíma. Fyrirtækið bauð
henni þess í stað að taka að
sér ígripavinnu. Hún fólst í því
að aka mikilvægum viðskipta-
vinum á milli sölueigna á
„límósínu" fyrirtækisins.
Elsa kom heim í nóvember
síðastliðnum þegar henni
bauðst að taka sem einsöngv-
ari þátt í flutningnum á Sálu-
messu Mozarts. „Það var
frumraun mín með Sinfóniu-
hljómsveit (slands. Þetta var
alveg yndislegt enda er verkið
stórkostlegt, hljómsveitin góð,
sem og Kór Langholtskirkju
sem afar skemmtilegt er að
syngja með.“
Nú syngur hún sitt fyrsta
hlutverk hjá íslensku óper-
unni, Emelíu, sem er önnur af
■tveimur kvenpersónum
verksins. Þó svo að hlutverkið
sé í sjálfu sér ekki svo ýkja
stórt krefst það mikils af söng-
konunni. Með hin aðalhlut-
verkin fara Ólöf Kolbrún Harð-
ardóttir sem syngur Destem-
ónu, Garðar Cortes sem syng-
ur Óþelló og Keith Reed sem
syngur Jagó.
„Auðvitað væri best ef mað-
ur gæti unnið hér heima í
framtíðinni en landið okkar er
lítið og framboð af hlutverkum
fyrir einsöngvara takmarkað.
Ég met það mikils að fá tæki-
færi til að vera með í Óþelló en
það kom reyndar ekki til fyrr en
rétt fyrir jólin."
Að lokum er Elsa Waage
spurð að því hvað hún hyggist
fyrir í náinni framtíð.
„Framtíð mín er alveg óráð-
in enn. Ég er rétt að byrja að
kynna mig enda búin að vera í
námi fram að þessu. Reyndar
fór ég með eitt hlutverk vestra
fyrir skömmu. Ég hafði þá
sungið prufusöng fyrir óperu-
hús nokkurt og komst strax að
og söng Magðalenu í Rígól-
ettó. Síðan hef ég aðallega
sungið konserta en kennarinn
minn hefur ekki verið á því að
hleypa nemendum sínum út úr
tónleikasalnum fyrr en hann
telur okkur reiðbúin fyrir hið
stóra svið. Ég er því að byrja
núna að koma mér á framfæri.
Þess má geta að í Bandaríkj-
unum er ég í sambandi við tvo
umboðsmenn sem hafa sýnt
mér áhuga og síðan langar
mig að spreyta mig í Þýska-
landi til dæmis. Þar hef ég
reyndar þegar sungið fyrir
nokkra umboðsmenn án þess
að hafa fengið nokkuð út úr
því ennþá. Ég fór svo seint af
stað i haust en þá var alls
staðar búið að ráða söngvara
fyrir þetta ár. Ég fékk samt já-
kvæð viðbrögð og nú er bara
að bíða og sjá. Röddin er mjög
sjaldgæf og því hef ég ekki
eins mikla samkeppni og ella.
Að sama skapi eru hlutverkin
heldur ekki eins mörg og fyrir
aðrar raddir. Reyndar get ég í
mörgum tilvikum líka sungið
messósópran, að minnsta
kosti hin smærri hlutverk. Við
sjáum hvað setur.“ □
12 VIKAN 4.TBL1992