Vikan - 25.03.1993, Blaðsíða 24

EÞÍÓPÍA OG EGYPTALAND
FERÐALOK
BERGÞÓRU
LOKAÁFANG! AFRÍKUFERÐARINNAR
3.4.-7.4. 1991
EÞÍÓPÍA
Við komum tll Addis Ababa
með flugi frá Dar es Salaam
og var ekið í rútu á hótel í
borginni. Það er einungis
leyfilegt að koma flugleiðis inn
( landið, gista á ríkisreknum
hótelum, ferðast með ríkis-
reknum rútum í umsjá leið-
sögumanns sem er einnig
„ríkisrekinn”. Við fórum dag-
inn eftir með rútunni til Awasa
en við fengum aðeins að sjá
þá staði sem ríkið vildi að við
sæjum. Við komum í bæ þar
sem sumir höfðu aldrei séð
hvítt fólk áður og þar eltu okk-
ur forvitin börn hvert sem við
fórum. Sum vildu fá að leiða
okkur, önnur létu sér nægja
að snerta okkur og nokkur
gengu svo langt að klípa fast
í handlegginn á mér, líkt og til
að ganga úr skugga um að ég
væri örugglega raunveruleg.
Við komum á fiskmarkað
við vatn og þar á vatnsbakk-
anum sátu litlir strákar og
gerðu að fiski með öruggum
og snörum handtökum. Á
markaðnum var margt um
manninn og fuglar svifu yfir í
leit að einhverju ætilegu.
Þegar við komum aftur til
Addis Ababa skruppum við
nokkur á pósthúsið. Þar urð-
um við vitni að því þegar full-
orðnir menn börðu lítinn
dreng þar til hann féll mátt-
vana á gólfið og var borinn út.
Einhver hvíslaði að okkur að
þetta væri vasaþjófur sem
staðinn hefði verið að verki.
Við störðum agndofa á þessar
aðfarir en það er farið óblíð-
um höndum um þjófa í flest-
um löndum Afríku.
24 VIKAN 6.TBL. 1993