Vikan - 29.07.1993, Blaðsíða 28

Grænland - granni okk-
ar í vestri - er flestum
íslendingum sem lok-
uð bók, þrátt fyrir nálægðina.
Landið er paradís útivistarfólks
og allra þeirra sem vilja sjá og
upplifa eitthvað virkilega upp-
runalegt og óvenjulegt. Og þá
þarf ekki að leita langt yfir
skammt. Þriggja daga Græn-
landsferð er áreiðanlega á við
þriggja vikna sólarlandaferð, -
svo mikið er víst.
Við flugum með Flugleiðum
til Narsarsuaq. Það er þægi-
leg tveggja stunda ferð og
haldið beint á Hotel Narsarsu-
aq, steinsnar frá flugvellinum.
Allt í kring um Narsarsuaq eru
sögustaðir íslendingabyggða
og mikil náttúrufegurð.
Fyrsta daginn gengum við
inn f dalinn inn af Stokkanesi
sem er gamla íslenska nafnið
á Narsarsuaq. Þetta var dags-
ferð um ægifagurt landsvæði
en kennileitin eru flest nafn-
laus, svo undarlegt sem það
kann nú að virðast.
Blómskrúð er mikið í daln-
um. Engjarósin var mest áber-
andi á þessum tíma, í júlíbyrj-
un. Og berjalyng og runna-
gróður, birki og víðir. Mývarg-
urinn var mættur til leiks og
eins gott að setja upp flugna-
netið. Við vorum þrettán (
hópnum, allra þjóða kvikindi á
öllum aldri og tveir danskir far-
arstjórar. Þarna voru tveir
Þjóðverjar, þrír Englendingar
frá Brighton, fjögurra manna
fjölskylda frá Barcelona og
fjórir islendingar. Mátti því
heyra sýnishorn nokkurra
tungumála þennan fagra dag í
þessari ferð sem heitið var alla
leið inn að Grænlandsjökli
sjálfum. Yfir fjöll og firnindi var
að fara þar til komið var að
skriðjökli sem gengur úr
Grænlandsjökli. Spænska fjöl-
skyldan lét ekki sitt eftir liggja
er komið var að jöklinum, held-
ur skálmaði út á jökulbreiðuna
og dansaði af fögnuði yfir
þessu ótrúlega afreki sínu!
Þarna er landslag afar fjöl-
breytt og ægifagurt - jökul-
sorfnir klettar, fjallavötn, blóm-
skrúð, ár og lækir. Hrafn á
flugi. Margt minnir á ísland en
þó er landið á einhvern hátt
stórbrotnara, frumstæðara og
tröllslegra. Og þvílíkar and-
stæður: Sólskin, hiti, gróður-
28 VIKAN 15.TBL. 1993