Vikan - 22.06.1999, Blaðsíða 13

Arnarstapi á Snæfellsnesi er
útgerðarstaður frá fornu fari.
unga konu úr Reykjavík til að
eyða sumrunum vestur á Snæ-
fellsnesi?
„Það er ekkert mjög flókið
og dularfullt. Móðir mín, Björg
Pétursdóttir, býr í Gíslabæ á
Hellnum og mér þykir fínt að
vinna úti á sumrin. Agæt laun
fást fyrir uppskipunina og úti-
veran er mér mikilvæg yfir
sumartímann en ég gæti ekki
hugsað mér að vera við þetta
veturna. Móðir mín fluttist
hingað fyrir átta árum en
við eigum ættingja hér á
nesinu. Ég er alin upp í
Reykjavík en var í sveit á
Snæfellsnesi þegar ég var
yngri."
En er þetta ekki erfið
vinna?
„Hún léttist eftir að við
hættum að þurfa að moka
ís í karlana og það er hins
vegar skemmtilegt að
spjalla við þá. Ég nýt dýra-
lífsins hér á sumrin og þykir
gaman að hitta fólk."
Fyrir ofan Arnarstapa blasir
Stapafell við og norðan í fell-
inu er Sönghellir. Margar fal-
legar gönguleiðir eru allt í
kring og gaman að njóta úti-
vistar á svæðinu. Yfir öllu
gnæfir svo Snæfellsjökull með
sinni kynngi og trilluútgerð
undir jökli er áreiðanlega jafn
sérstæð og kristnihaldið ef vel
er að gáð.
Ögmundur Pétursson frá Malar-
rifi, útgerðarmaður uiidir jökli.
Vikan 13