Menntamál - 01.03.1935, Síða 17

MENNTAMÁL
15
búa sem fvrst og bezt eðlilegar breytingar frá einhliða
til gagnkvæmrar virðingar. Einkum ættu kennarar að
nota þetta timabil til þess að hjálpa börnunum að skipu-
leggja félagslíf sitt, þannig, að leikreglur barnanna verði
þeim starfsreglur í skólanum, en kennarinn hvorttveggja
í senn, leikfélagi og sjálfkjörinn leiðtogi, ekki vegna þess,
að hann er eldri eða yfirmaður, heldur vegna yfirburða
í hugkvæmni, ráðkænsku og þekkingu, svo og vegna þess,
að börnin finna, að hann er nauðsynlegur bakhjarl til
þess að halda uppi þeirri reglu, sem öllu sönnu frelsi
er ómissandi. Með því að skipuleggja félagslífið, er hér
vitanlega ekki átt við fundahöld einu sinni í viku eða
eitthvað þvílíkt, heldur vinnuaðferð, sem nær til alls-
skólastarfsins, livorl sem um það er að ræða að efla
leikni, t. d. í lestri eða reikningi, eða að tileinka sér
æðstu sannindi mannkynsins.
I framhaldi af þessari grein hugsa eg mér að skýra
frá nokkrum merkum lilraunum með sjálfstjórn skóla-
barna.
Sigurður Thorlacíus
íslenzkur skortlýrafræílngur.
Geir Gígja kennari.
Leiðir skálda, listamanna og visindamanna liggja
venjulega frá alfaravegum. Þessir menn draga sig út
úr skarkalanum, ef þeir eiga þess nokkurn kost, meðan
þeir vinna verk sín. Seinna koma þeir með árangur
starfs síns fram í dagsljósið. Geir Gígja hefir farið á
fjöll og um óbyggðir landsins, allvíða. Hann hefir grúsk-
að í gjótum og skorningum, undir steinum, í mýrum
og móum, mosaflám, í sjávarmálinu, við læki, vötn og
ár, liveri og laugar, uppi við jökulrendur og inni á