Menntamál - 01.10.1949, Page 35

MENNTAMÁL
93
ar fræðslulögum, verður ljóst, að munurinn er næsta lít-
ill. Svíarnir gera þó ráð fyrir að hagnýta sálfræðileg próf
og sömuleiðis að sérmennta kennara eingöngu til þess að
kenna í þessari deild. Með því leggja þeir ríkari áherzlu
á hið sérstaka uppeldishlutverk hennar en enn hefur gert
verið hér á landi. Er okkur full þörf á að gefa því máli
gætur, þar eð kennsla á þessu stigi er hérlendis tiltölu-
lega nýleg viðbót og hefur of mjög verið miðuð við starfs-
venjur og námskröfur þess skólastigs, sem til var á undan
því þ. e. skóla fyrir 10—14 ára börn.
Eldri deild barnaskólans (4.—6. bekkur) er einnig með
mjög líku sniði og ráð er fyrir gert í okkar fræðslulögum.
Aldur barnanna er hinn sami, bekkjafjöldi jafn, náms-
greinar nærri því hinar sömu að breyttu breytanda, þ. e.
sænska skipar að sjálfsögðu sama sess og íslenzka hjá okk-
ur, og enska kemur í stað Norðurlandamáls. Þó er mikil
áherzla lögð á kennslu í einni grein, sem lítt hefur verið
rækt á voru landi, þjóðfélagsfræði. Eru þau fræði mjög
í hávegum höfð þar í landi, enda munu Svíar standa flest-
um þjóðum framar um félagslega menningu. — Deilda-
skipting er engin á þessu stigi fremur en hér, heldur er
öllum börnum ætlað sams konar nám, nema erlent mál
(ensku) skal kenna þeim börnum, sem bezt eru fallin til
bóknáms. Lagt er til, að bekkjakennsla haldist í þessari
deild eins og yngri deildinni, að öðru leyti en því að til
enskukennslunnar verði valdir sérmenntaðir menn í þeirri
grein, þar sem því verður við komið.
Þriðja stig skyldunámsins er gagnfræðaskólinn. Hann
tekur einnig yfir þrjá vetur. Fyrirkomulag hans er allfrá-
brugðið því, sem gert er ráð fyrir í okkar fræðslulögum.
Ætlazt er til, að tveir fyrri bekkir hans verði að mestu
leyti ósundurgreindir. Að vísu er lagt til nokkurt
valfrelsi um námsgreinar, en skyldunámsgreinar eru
svo margar, að vart getur orðið mikill tími aflögu
frá þeim. Þær eru þessar: sænska, stærðfræði, kristin