Heima er bezt - 01.02.1959, Blaðsíða 33

VeriS mecS í
verhlaunasamkeppninni
um FERGUSON
aSstoáartækín
ÞAÐ ER engin tilviljun, að flestir íslenzkir bændur, sem
eiga dráttarvél, hafa valið sér FERGUSON-dráttarvélina til
að létta sér störfin. Með hinum margvislegu hjálpartækjum,
sem auðveldlega má tengja við vélarnar, geta bændurnir nú
látið FERGUSON vinna öll erfiðustu störfin fyrir sig.
Eins og skýrt hefur verið frá, eru þrjú slík hjálpartæki
verðlaun í þessari skemmtilegu getraun, og það er þess vegna
ekki nema sjálfsagt fyrir alla, að taka þátt í henni.
Þeir, sem ekki eiga sjálfir FERGIJSON -d?yíí íarvél, geta auð-
veldlega selt vinninginn eða það, sem er auðvitað helmingi
ánægjulegra, gefið hann einhverjum vini sínum í sveitinni,
sem er svo lánsamur að eiga EERGUSON. Það yrði áreiðan-
lega vel þegin gjöf.
Að gefnu tilefni viljum við taka það fram, að það eru að-
eins skuldlausir áskrifendur „Heima er bezt“, sem hafa rétt
til að vera þátttakendur í þessari getraun.
Og þá komum við að spurningunum í öðrum þætti get-
raunarinnar:
4. í hvaða sýslu á íslandi eru flestar FERGUSON-dráítar-
vélar?
Er það í Eyjafjarðarsýslu, Húnavatnssýslu eða Árnes-
sýslu?
4. ...............
5. Hvaða tegund dráttarvéla var það, sem þeir félagar,
Hillary og dr. Fusch völdu sér, þegar þeir óku yfir
Suðurheimskautið?
Var það Ford, Ferguson eða Deutz?
5. ...............
6. Hvað eru margar FERGUSON-ué/ar í fiskibátum hér
á íslandi?
Eru þær í 2? 212? eða 2120? bátum.
6. ...............
Nú er að brjóta heilann um svör við þessum spurningum
og skrifa svo svörin hjá sér.
í næsta blaði kemur svo þriðji og síöasti þátturinn í þess-
ari spennandi verðlaunagetraun.
Munið það, að svörin við öllum níu spurningunum á að
senda í einu lagi, þegar getrauninni lýkur í marz.
Dægurlagaþátturinn
Framhald af bls. 64. -----------------------------
Soffía Hulda á Straumi, Maggy og Sirrý, Högni á
Bessastöðum í Fljótsdal, Þrúður Kolbrún og þrjár
heimasætur á Norðausturlandi biðja um ljóðið O, nema
ég, sem Skafti Ólafsson hefur sungið á hljómplötu. Höf-
undur ljóðsins er Jón Sigurðsson, starfsmaður í Búnað-
arbankanum. Er þetta lausleg þýðing.
Oft á vorin haldin eru héraðsmót.
í hópum sækja þangað bæði sveinn og snót.
Og allir skemmta sér á einhvern veg.
Ó, nema ég.
Þeir eiga allir kærustur, sem kyssa þá
og klappa þeim í lautum svona til og frá.
Og brosin frá þeim fá þeir unaðsleg.
Ó, nema ég.
Mér alltaf illa gekk,
og aldrei neitt ég fékk,
sem öðrum veittist, það er alveg satt.
A grasi iðar dans,
og oft í meyjafans
ég endilangur snöggt um þúfur datt.
En héraðsmótin hætta reynist hverjum þeim,
sem hrífst af meyjarkinn og bláum augum tveim.
Þeir ánetjast á einn og annan veg.
Hæ! Nema ég!
Enn vantar mikið á að óskir allra séu uppfylltar, en
rúmið leyfir ekki meira í þetta sinn. Stefán Jónsson.
VIRÐULEGUR ÖLDUNGUR
í síðasta árgangi „Heima er bezt“ var skýrt frá elztu lífver-
um jarðarinnar, broddfurunum vestur í Kaliforníu, sem
komnar eru á fjórða þúsund ára. En þótt þær hafi vissulega
aldursmetið, þá eru víðar til æruverðir trjáöldungar. Meira
að segja í laufskógum Evrópu eru tré, sem náð hafa furðu-
háum aldri.
Eitt elzta tré Norðurlanda er suður á Sjálandi. Er það eik-
artré og er kallað Konungseik. Hún er talin vera um 1800
ára. Sumir draga þó þann aldur í efa og telja hana einungis
1300—1400 ára. Hvort heldur sem er, nær aldur hennar aft-
ur í fornsögu Norðurlanda, og lengra miklu heldur en nokkr-
ar skráðar heimildir. Ef vér berum aldur Konungseikur sam-
an við sögur vorar, þá mun láta nærri, að hún hafi sprottið
úr fræi um þær mundir, sem Snorri telur Óðin og Æsi koma
á Norðurlönd.
Eikin hefur verið 600—700 ára, þegar forfeður vorir flýðu
ofríki Haralds konungs hárfagra og stofnuðu ríki á íslandi
og hún hefur verið komin yfir 1000 ára, þegar þjóöveldið
íslenzka leið undir lok.
Eins og geta má nærri, hefur hún margt þolað, enda orðin
bæði kræklótt og feyskin, en ber þó ellina furðuvel og getur
vissulega bætt við sig nokkrum öldum, þó hún með sanni
megi kallast „hreggbarinn hilmir marka“, eins og Egill kvað.
Heima er bezt 73