Æskan - 01.03.1970, Blaðsíða 11

FYRIRMYND — HVATNING
><
"\
P é t ii r
Matteus 16,16: Símon Pétur svaraði:
,,Þú ert Kristur, sonur hins lifanda
Guðs.“
Ekki er nokkur efi á því, að trúin er það, sem einkennir
þennan lærisvein fremur en nokkuð annað.
Flest þekkjum við frásöguna i sama guðspjalli, þar sem
Jesús gengur á vatninu. Hún lýsir Pétri sérstaklega vel.
Báturinn lá undir áföllum. Vindurinn var á móti. Það
var um fjórðu næturvöku. Og skyndilega sáu þeir ein-
Lœrisveinarnir
hvern koma gangandi á vatninu. Þeir urðu logandi hrædd-
ir, en Jesús sagði: Verið hughraustir, það er ég. Verið
óhræddir.
Og nú skulum við taka eftir. Enn hefur Pétur ómótaða
skapgerð. Hann er fljótfær, ákveðinn, nokkuð áhrifagjarn,
en annars hraustur sjómaður. Um leið og Jesús hefur
sleppt orðinu, sjáum við Pétur þjóta á fætur. Hann hugsar
sig varla um. Hann er sannfærður um, hvernig hann á
að reyna, hvort þetta er Jesús. Hann veit, að Jesús getur
látið hann ganga á vatninu, ef hann vill. Og Jesús segir:
Kom þú. Og Pétur steig út úr þátnum og gekk á vatninu.
Pétur trúði. Hann treysti Jesú. Hann vissi, að Jesús var
„sonur hins lifanda Guðs." — En Pétur var bara maður.
Hann leit í kringum sig, sá hrikalegar öldurnar æða allt
um kring. Hann varð hræddur. Hann tók að sökkva. Hann
gleymdi Jesú — og þó! Þegar hann var hræddur, treysti
hann Jesú lika. Og Jesús bjargaði honum!
Hér þekkjum við okkur mörg. Við höldum í lengstu lög,
að við getum — og leitum svo til Guðs, er allt er komið
i strand.
Jesús kallaði Pétur ,,klettinn“, sem tákn um bjargfasta
og óbifanlega TRÚ! Og hann sagði: Og á þessum kletti
mun ég byggja söfnuð minn.
Þó að Pétur væri fljótfær og áhrifagjarn í fyrstu, óx
hann og styrktist með hverju ári. Margir hugsa fyrst og
fremst um Pétur í Hallargarðinum, þegar hann afneitaði
frelsara sínum þrisvar. En Pétur iðraðist — og siðar meir
varð hann einn af fremstu og djörfustu lærisveinum Jesú.
Hvar sem var, hvenær sem var og undir hvaða kringum-
stæðum sem var, þorði hann að segja frá Jesú. Hann
sannfærðist sífellt betur um sannleiksgildi orðanna, að
hann væri „Kristur, sonur hins lifanda Guðs.“ — Og
þannig stendur einnig um þá Pétur og Jóhannes í Postula-
sögunni: Og þeir könnuðust við þá, að þeir höfðu verið
með Jesú!
Við höfum marga galla. En við höfum líka hæfileika.
Guð vill, að við notum þá fyrir hann. — Pétur varð trúr
alit til dauða og þurfti oft að líða og þjást. Hann þreyttist
aldrei á þvi að flytja Ijós Guðs þangað sem myrkur var,
jafnvel þótt það kostaði hann lífið að lokum!

Ákveðið er að efna til ritgerðasamkeppni um
..einn af postulum Jesú“. Þegar þáttum þess-
U|ti lýkur, gefst lesendum kostur á að skrifa
ritgerð, sem nefnist Einn af postulum Jesú.
Ekki þar ritgerðin að vera löng, efnisval og
Biat er sjálfstætt. Hún, gæti til dæmis fjallað um
kosti og galla, þann, sem þér þykir vænst um,
Þann, sem þér þykir eftirtektarverðastur, þann,
sem þú vildir helzt líkjast eða eitthvað því um
líkt.
Aldurshámark er 15 ár.
Veitt verða 5 eftirtalin bókaverðlaun:
1. verðlaun: Drengurinn frá Galíleu, Hetjan frá
Afríku, Vinir frelsisins, Ungi hlébarðinn.
2. verðlaun: Drengurinn frá Galíleu, Flemm-
ing í menntaskóla, Þrír vinir, Kalli skipsdrengur.
3. verðlaun: Hermundur Jarlsson, Þórir Þrast-
arson, Þrír vinir.
4. verðlaun: Ungi hlébarðinn, Vinir frelsisins.
5. verðlaun: Hermundur Jarlsson.
Ritgerðakeppni

143