Æskan - 01.10.1973, Síða 33

FKÁ UNGLINGAREGLUNNI
Hilmar Jónsson, Sveinn Skúlason, Ólafur Jónsson og Árni Helgason.
Barnastúkan Eyrarrós nr. 68 50 ára
Barnastúkan EYRARRÓS var stofnuð 14. janúar 1923. — Telur nú 180
félaga, flest börn á aldrinum 7—14 ára
Árin 1922 og 1923 voru mikil happaár fyrir bindindis-
starfsemina í Siglufirði. — Stúkan Framsókn nr. 187 var
stofnuð 10. nóv. 1922 af 30 Siglfirðingum og varð því 50
Sra s.i. nóvember. Um 40 ára skeið starfaði stúkan af mikl-
Urn þrótti. Veitti hún mörgum ómetanlega hjálp i baráttunni
við áfengisnautnina og gaf öðrum tækifæri til félagsþroska
°9 samstarfs að góðum málum. Stúkan starfrækti Sjómanna-
°9 gestaheimili Siglufjarðar um margra ára bil.
Barnastúkan Eyrarrós nr. 68 var stofnuð 14. janúar 1923.
Voru stofnendurnir um 50 börn og unglingar í Siglufirði.
Einn aí stofnendunum er enn félagi í stúkunni. Er það Frið-
Þóra Stefánsdóttir, en hún var í fyrsta embættismannahópi
stúkunnar. Eyrarrós hefur þannig starfað óslitið í 50 ár
til mikils gagns og blessunar fyrir siglfirzka æsku.
Fyrsti gæzlumaður Eyrarrósar og aðalhvatamaður að
stofnun hennar var Guðrún Jónsdóttir frá Yztabæ. Þrjár kon-
Ur voru lengst af gæzlumenn Eyrarrósar fyrstu 35 árin.
^oru það Guðrún, Kristín Þorsteinsdóttir og Þóra Jóns-
óóttir, systir Guðrúnar, sem var gæzlumaður stúkunnar um
26 ára skeið. Allar þessar konur voru frábærir gæzlumenn
og uppalendur og reyndust þær siglfirzkri æsku hollir leið-
beinendur, og verður þeirra starf fyrir æskufólk Siglufjarðar
seint fullþakkað. Núverandi gæzlumaður stúkunnar er Jó-
hann Þorvaldsson.
Félagar Eyrarrósar eru nú um 180, svo til allt börn á
aldrinum 7—14 ára. Má segja, að stúkan starfi nú sem
bindindisfélagsskapur barna úr Barnaskóla Siglufjarðar.
Stúkan heldur fundi annan hvern sunnudag yfir vetrarmán-
uðina. — Leggja börnin til sjálf, undir stjórn gæzlumanns,
öll skemmti- og starfsatriði. T. d. munu um 90 börn hafa
komið íram á fundum í vetur og allmörg oftar en einu
sinni. Fundarsókn er góð, eða um og yfir 60% félaganna.
31