Skírnir - 01.12.1919, Side 71

Skírnir]
Færeysk þjóöernisbarátta.
277
gjarnan rnátt bíða, eins og t. d. Savn til Foroyingasögu i
16. öld, er Evensen hafði safnað til. Þar eru prentuð
ýms bréf frá 16. öld, er koma Færeyjum við, og geta
verið fróðleg fyrir sagnfræðinga, en eru þur og strembin
í almennings augurn og voru aldrei líkleg til að afia fé-
laginu vinsælda. Aftur var annað rit, sem hann gaf út
fyrir félagið, harla lofsvert; það var Kvœðalók (1910),
sem hafði að geyma úrval færeyskra danskvæða.
Annars var Evensen mest gefinn fyrir sagnfræði.
Hann hafði gert töluverðar rannsóknir um kirkjusögui
Færeyja, en þó varð aldrei úr að hann ritaði um þaut
efni nema stuttan kafla í Lesibók. Hann var og einn
þeirra manna, sem mest unnu að því, að koma á fót fær-
eyskri forngripageymslu í Þórshöfn. Nýja þýðingu á
Færeyingasögu gaf hann út 1904.
Auk þeirra rita, sem áður eru nefnd, hefir Evensen
snúið Jóhannesar guðspjalli á færeysku (1909), og þykir
það mjög vel gert. Hann hafði einnig gert mikil söfn
til færeyskrar orðabókar og gaf út tiu hefti af henni
(1905—8) En hún hætti í miðjum kliðum sökum fjár-
skorts, komst aldrei lengra en aftur i f-in. Gallar þessa
rits eru miklir og auðsæir, en samt var það líklegt til
að geta orðið hið þarfasta, því að fjöldi orða, sem hvergi
eru skýrð annarstaðar, var tekin þar upp.
Þá er Evensen dó, var í blaði einu sagt, að hann
væri einn þeirra manna, sem gerðu meira en að tala.
Það lof átti hann. Hann var ekki atkvæðamikill sem
sjálfstæður rithöfundur, en vilji hans var góður og starfs-
kraftarnir miklir.
Símun av Skarði eða Símun Skarð, eins og hann kall-
aði sig fyr, hefir einkum starfað fyrir ungu kynslóðina.
Hann stofnaði 1899 lýðháskóla í Færeyjum og hefir hald-
ið honum við á hverju ári síðan. Margir hafa barist
móti þessum skóla og brugðið honum um Danahatur, því
að kensla fer þar fram á færeysku, og sérstök áherzla
lögð á sögu Færeyja. Kvæði Símunar av Skarði eru flest
ættjarðarljóð eða sálmar. Það er því ekki furða að ein-