Almanak Ólafs S. Thorgeirssonar - 01.01.1906, Blaðsíða 88

58
ÓLAFUR s. thorgeirsson:
Mál, sem rædd voru á þessu fyrsta kirkjuþingi, voru
þessi:
1. Sameining- hinna íslenzku safnaða í eitt kirkjufé-
lag og endurskoðan grundvallarlaganna.
2. Myndun stjórnarnefndar fyrir kirkjufélagið.
3. Stofnan sunnudagsskóla í söfnuðunum.
4. Utgáfa kirkjufélagsblaðs.
5. Kaup á guðsorðabókum.
6. Prestsmál Nýja íslands.
7. Reglur fyrir ferming barna.
8. Helgidagahald.
9. Kirkjuagi.
í málinu um inngöngu safnaðanna í kirkjufélagið var
samþykt, að láta alls ekkert standa í grundvallarlögunum
um kjörgengi eða atkvæðisrétt kvenna. Gjörðu þeir, sem
þar höfðu mest í móti staðið, sig ánægða með það, þó
reyndar mætti túlka ákvæði laganna í þessu efni á báða
bóga, þar sem þetta var hvergi boðið eða bannað. Var
þá gengið út frá því sem sjálfsögðu að þeir tveir söfnuðir,
er enn ekki höfðu samþykt inngöngu í kirkjufélagið,
mundu vinda að því bráðan bug, enda varð sú raun á.
Grundvallarlögunum var breytt í það horf, að þrjá
embættismenn skyldi kjósa og varamenn fyrir hvern þeirra
og skyldu þeir nefnast formaður og varaformaður, skrif-
ari og varaskrifari, féhirðir og varaféhirðir. Talað var
um að kjósa framkvæmdarnefnd, en ekkert varð af því og
var svo til ætlast, að embættismenn félagsins hefðu nauð-
synlegar framkvæmdir á hendi.
í sunnudagsskólamálinu var sú samþykt gjörð að
kjósa þriggja manna nefnd því til stuðnings, að sunnu-
dagsskólar kæmust á í kirkjufélaginu. Líka var fulltrú-
unum á hendur falið að gangast fyrir því, hver í sínum
söfnuði, að sunnudagsskólar komist á fót.