Ársrit Verkfræðingafjelags Íslands - 01.01.1914, Blaðsíða 4

Ársrit Verkfræðingafjelags Íslands - 01.01.1914, Blaðsíða 4
11. gr. Aðalfundir eru lögmætir án tillits til hve margir fjelagar eru mættir. Til breytinga á fjelags- lögunum útheimtast 2/3 greiddra atkvæða, en í öllum öðrum málum ræður einfaldur meirihluti, þó með þeirri undantekningu, er getur um í 3. gr. 12. gr. Kosning formanns og stjórnar fer fram skrifiega. Fjarverandi fjelagsmenn geta tekið þátt í kosningunni með því að senda fjelaginu atkvæðaseðla undirritaða með nafni sínu. 13. gr. Formaður skal kosinn til tveggja ára, og er ekki kjörgengur við næstu formannskosningu þar á eftir. 14. gr. í stjórn sitja, auk formanns, 3: fjelags- menn, og gengur einn úr stjórninni hvert ár eftir röð, fyrstu tvö árin eftir hlutkesti. Endurkosning er leyfileg. Ef sæti verður autt i stjórninni, skipar hún sjálf mann í það til næsta ársfundar. 15. gr. Stjórnin heldur gjörðabók, skiftir sjálf með sjer verkum og ákveður starfsaðferð sína. 16. gr. Fundir skulu venjulega haldnir einu- sinni á mánuði á tímabilinu frá 1. okt. til 30. apríl. Halda má fundi á öðrum tíma árs, ef ástæða er til. Fundi skal boða með skriflegri tilkynningu til hvers einstaks fjelagsmanns. Formaður eða einhver úr stjórninni stýrir fundum. Stjórnin getur boðið gest- um á fundi. Á fundum skal gefa skýrslur og hafa fyrirlestra og umræður um verkleg efni og önnur efni, sem þýðingu hafa fyrir fjelagið og fjelagsmenn. Af öllum skýrslum og fyrirlestrum skal sá er flytur láta stjórn- inni í tje ritaðan útdrátt. Stjórnin lætur gera út- drátt af umræðum um verkleg mál á fundum. Þessa útdrætti skal geyma í skjalasafni fjelagsins. Ef kring- umstæður leyfa getur stjórnin látið prenta slíka út- drætti, svo og aðrar skýrslur sem henni þykir ástæða til, og skal hver fjelagsmaður fá sitt eintak af öllu því, er hún lætur prenta. Án samþykkis fjelags- fundar má engar aðrar skýrslur birta um það, sem fram hefur farið á fundi. Flutningsmenn ráða sjálfir á hvaða máli þeir fiytja erindi sín. 3. Fundarhöld. Annar fundur fjelagsins var haldinn á Hótel Reykjavík þriðjudaginn 28. maí 1912. í fjarveru for- manns stýrði varaformaður fundinum. Flutti hafn- arverkfræðingur C. Bech, Helsingör, erindi það um »Jærnbeton, særlig dets Anvendelse i Havvand«, sem skýrt er frá hjer aftar. Voru umræður nokkr- ar á eftir og tóku þátt í þeim auk ræðumanns, K. Zimsen, O. Forberg, Ásgeir Torfason og Th. Krabbe. Á fundinum voru 8 fjelagsmenn. 3. fundur var haldinn á Hótel Reykjavík þriðju- daginn 15. október 1912. Fundinum stýrði varafor- maður. Eftir að nokkur fjelagsmál höfðu verið rædd, flutti Jón Þorláksson erindi um »Brúna á Ytri Rangá«. Er skýrsla um málið prentuð hjer aftar og sömu- leiðis útdráttur á ensku. Á fundinum voru 11 fjelagsmenn. 4. fundur var haldinn á Hótel Reykjavík föstu- daginn 22. nóvember 1912. Formaður stýrði fund- inum. Talaði Rögnvaldur Olafsson um nauðsyn ýmsra nýrra ákvæða í byggingarsamþykkt Reykja- víkurkaupstaðar. Skýrsla um ræðu R. Ó. er prentuð hjer aftar og sömuleiðis útdráttur á ensku. Voru á eftir nokkrar umræður, og tóku þátt í þeim K. Zim- sen, Jón Þorláksson, Ásgeir Torfason og M. Jessen. Að lokum bar K. Zimsen fram tillögu um að innan fjelagsins skyldi sett þriggja manna nefnd til að semja reglur um cement, eiginleika þess til að teljast Port- lands-cement og til þess yfirleitt að mega teljast versl- unarvara. Var tillagan samþykkt og í nefndina kosnir: Jón Þorláksson, Ásgeir Torfason og Geir Zoega. Á fundinum voru 11 fjelagsmenn. 5. fundur var haldinn á Hótel Reykjavík þriðju- daginn 10. desember 1912. Formaður stýrði fundin- um. M. E. Jessen flutti erindi um mótora, gerð þeirra, hreyfiafl og gang, og sýndi myndir og upp- drætti. Útdráttur af erindinu er prentað hjer aftar. Á fundinum voru 12 fjelagsmenn. 6. fundurinn var haldinn á Hótel Reykjavík fimmtudaginn 30. janúar 1913. Formaður stýrði fundinum. Flutti Ásgeir Torfason erindi um efna- rannsóknir nokkrar er hann hafði gert á melkorni, svo og á nokkrum sæþörungum. Erindið er tekið upp hjer aftar, en hefir áður verið prentað í »Bún- aðarrit« 24. og 25. árg. Útdráttur á þýsku er einnig gefinn. A fundinum voru 10 fjelagsmenn. 7. fundurinn, sem var aðalfundur, var haldinn þriðjudaginn 4. marz 1913. Var Ásgeir Torfason kosinn fundarstjóri. 1. Formaður las upp skýrslu um störf fjelagsins á umliðnu ári, fundarhöld og aðgerðir stjórnar- innar. 2. Gjaldkeri lagði fram reikning fjelagsins, og var hann samþykktur af endurskoðendum. Höfðu tekjur fjelagsins verið kr. 130,66, en gjöldin kr. 38,87; í sjóði til næsta árs kr. 91,79. 3. Samkvæmt 14. gr. laganna var dreginn úr

x

Ársrit Verkfræðingafjelags Íslands

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ársrit Verkfræðingafjelags Íslands
https://timarit.is/publication/404

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.