Iðunn : nýr flokkur - 01.01.1931, Blaðsíða 99

IÐUNN
Bækur 1930.
93
ustu ára og komandi. — Páll Sveinsson mentaskólakennari
hefir þýtt söguna, og má gera ráð fyrir, að þýðingin sé ná-
kvæm og rétt, er svo lærður maður hefir um hana fjallað,
en dálítið virðist hún „akademisk" og stirð í vöfunum á
köflum.
Önnur bók, er Menningarsjóður gaf út á síðasta ári og
helzt verður að telja til skáldrita, er Vestan u m haf
— heljarmikið rit, um 800 bls. í stóru broti. Er það eins
konar sýnisbók eða úrvai þess, er á islenzku hefir verið
ritað vestan hafs. Úrvaliö hafa gert þeir Einar H. Kvaran
og Gudm. Finhbogason. Hafa þeir og ritað formála að bók-
inni og mjög læsilegan inngang. Eru þarna leiddir fram á
sjónarsviðið eigi færri en 36 höfundar, lesandanum sýnt
framan í þá alla og sagt frá helztu æfiatriðum þeirra. En
efnið er hið fjölbreyttasta: ljóð, leikrit, sögur og kvæði.
t bók þessari kennir náttúrlega margra grasa og mis-
jafnra. Ekki er þar alt jafn-gott, síður en svo. En það
skal sagt bókinni og þeim, er að henni standa, til hróss,
að snjöllustu og skemtilegustu höfundarnir eru þar rúm-
frekastir — menn eins og Stephan G. Stephansson, Jóh.
Magnús Bjarnason, Þorsteinn Þ. Þorsteinsson o. fl. En það,
sem vakti mér óvæntan fögnuð við Iestur þessarar bókar,
voru sögukaflar þeir og ritgerðir eftir Stephan G., sem
góðu heilli hefir verið tekið upp í bókina. Ste])han er al-
kunnur hér heima af ljóðum sinum, en fáir munu þekkja
það, sem eftir hann liggur í óbundnu máli, enda mun það
minna að vöxtunum. En það er sannast sagna, að eftir þess-
um sýnishornum aö dæma var Stephan sami meistarinn á
•óbundið mál sem bundið, þar var sami krafturinn og kyng-
in, sömu töfrar málsnildar og mannvits eins og í ljóðunum.
Maður getur ekki annað en tekið undir með J. Magnúsi
Bjarnasyni, er hann skrifar, „að hefði Stephan ritað ein-
'göngu í óbundnu máli, þá hefði honum verið vísaö til sætis
á æðsta bekk í musteri heimsbókmentanna —“ og orðið
þekiur um allan hinn mentaða heim. - Margt fleira hnoss-
gæti er að finna í þessari bók; ég las hana með ánægju
•og er höfundum og útgefendum þakklátur fyrir hana. Það
var vel til fundið að heiðra bræður okkar og systur vestan
hafs með slíkri útgáfu á þjóðhátíðarárinu. —
Tveir höfundar hafa sent frá sér leikrit á árinu. Lúrus