Kirkjuritið - 01.06.1938, Blaðsíða 25

Kirkjuritið.
MIKILHÆFUR RITHÖFUNDUR
LÁTINN.
Einar Hjörleifsson Kvaran rithöfundur andaðist 21.
maí síðastliðinn. Hann var fæddur 6. des. 1859 í Valla-
nesi á Fljótsdalshéraði, sonur séra Hjörleifs Einarssonar
síðast prests að Undirfelli í Vatnsdal. Einar var kominn
af einni gáfuðustu og kunnustu prestaætt austanlands.
Getur hann þess sjálfur i einu riti sínu, að hann var
10. maður frá skáldinu sr. Einari Sigurðssyni í Eydölum,
og að langflestir forfeðra hans milli þeirra nafnanna
voru prestar. Þetta ætterni Einars mun flestum hafa
þott ihugunarvert í sambandi við þau málefni, sem
hann tók til meðferðar i flestum ritum sínum.
Hér er aðeins rúm fvrir örfá minningarorð. En þess
eðlis voru ritstörf Einars Hjörleifssonar Kvarans, að
það mætti öllum virðast sjálfsagt, að hans sé getið að
nokkuru í tímariti íslenzku kirkjunnar.
Höf. þessara lína er þeirrar skoðunar, að sá rithöf-
undur muni langlífastur verða með þjóð sinni, sem lagt
hefir í verk sín mest af þeim fjársjóðum, er ekki grand-
ar mölur né ryð, hinum eilífu hugsjónum og sánnind-
um, sem aldrei fyrnast. Og um það mun naumast verða
deilt, að þessi efni vildi Einar H. Kvaran bera á horð í
ritum sínum.
Ekkert er jafn augljóst í skáldritum Einars H. Kvar-
ans sem samúð hans, sá kærleikur, sem vill umbera
alt, vill skilja bróðurlegum skilningi kjör og sálarlíf
smælingja og lítilmagna mannlífsins, og fara mildum
hróðurhöndum um breyskleika þeirra. Af öllu, sem Ein-
ar H. Kvaran hefir látið frá sér fara, verða mér minnis-