Kirkjuritið - 01.12.1950, Síða 88

332
KIRKJURITIÐ
voru tiltæk snilliyrði Hallgríms, og gæti orðalykillinn stuðlað
að því, að svo mætti aftur verða.
Séra Björn Magnússon hefir samið orðalykilinn af vísinda-
legri nákvæmni eins og hans er von og vísa.
Bókin er ágætlega fallin til fermingargjafa og annarra tæki-
færisgjafa, og má vænta þess, að bæði ungir og gamlir lesi
hana sér til sálubótar um komandi ár.
Á. G.
Heimili og skóli.
Ritstjóri Kirkjuritsins vill vekja athygli lesenda á þessu
vandaða og merka uppeldismálatímariti. Ritstjóri þess er
Hannes Magnússon, skólastjóri barnaskólans á Akureyri, prýði-
lega ritfær maður og áhugasamur um allt það, er varðar
uppeldi bama. Má hiklaust telja hann einn af okkar beztu
skólamönnum. Bæði hann og aðrir kennarar og uppeldisfröm-
uðir eiga margar ágætar greinar í ritinu, sem vekja og glæða
áhuga manna og skilning á menningu og þroska upprennandi
kynslóðar og ylja lesendum um hjartarætumar. Yfirleitt á
tímarit þetta erindi inn á hvert heimili og þó einkum til hverra
foreldra. Auk þess er það bæði fróðlegt og skemmtilegt. Myndi
hollt og gagnlegt þjóðinni, að það breiddist út sem mest.
Háskólaerindi um séra Matthías Jochumsson
hélt dr. Steingrímur Þorsteinsson í hátíðasal Háskólans
sunnudaginn 19. nóv. Erindið var vandað og veigamikið svo
sem vænta mátti.