Kirkjuritið - 01.12.1958, Side 39

KIRKJURITIÐ
469
Hún á marga ágæta muni. M. a. hafa þau hjónin, Haraldur
Böðvarsson útgerðarmaður og frú Ingunn Sveinsdóttir, gefið
henni forkunnarfögur messuklæði, gjörð af frú Unni Ólafs-
dóttur, altarisklæði og altarisdúk, og skírnarfont úr eik og
birki, mjög útskorinn af listamanninum Ríkarði Jónssyni.
Frá messu um kvöldið í Akraneskirkju var ekið upp að
Görðum. Þar hefir verið reistur turn mikill, er áður var kór
Garðakirkju. Uppdrátt gjörði sóknarpresturinn, séra Jón M.
Guðjónsson, sem á siðari árum hefir mjög barizt fyrir vernd-
un kirkjulegra sögustaða og er bæði hugkvæmur og smekkvís.
Biskup flutti vigsluræðu og afhenti turninn presti og söfnuði
til varðveizlu. Héraðsprófastur talaði einnig. Kirkjukór Akra-
neskirkju söng.
Næstu þrjá dagana vísiteraði biskup kirkjurnar fjórar í
Hvanneyrarprestakalli, sem ungur prestur þjónar, séra Guð-
mundur Þorsteinsson. Fitjakirkja í Skorradal er lítil, enda
söfnuður hennar mjög fámennur. Hún er bændakirkja.
Stendur á fögrum stað. Svo er einnig um Lundarkirkju í
Lundarreykjadal. Prýðir það mjög, að fyrir framan hana
hafa verið gróðursettar ýmsar trjátegundir, svo sem fura,
greni, lerki, reynir og birki. Hvanneyrarkirkja er ríkiskirkja.
Mikil aðgerð fór fram á henni fyrir 2 árum, og er hún í
prýðilegu standi, raflýst og rafhituð. Henni hefir verið gef-
inn mikill fjöldi af ágætum gripum, og er hún að öllu hin
vistlegasta. Yfir altari er stór og fögur mynd af Kristi upp-
risnum. Málaði Brynjólfur Þórðarson listmálari. Bæjarkirkja
er einnig raflýst og rafhituð og máluð nýlega bæði utan og
innan. Hún er helzt til lítil fyrir söfnuðinn, tekur aðeins 40
í sæti. Er því vaknaður mikill áhugi á því að reisa nýja
kirkju í Bæ, og má vænta þess, að framkvæmdir hefjist áður
en langt um líður. Kirkjukór söng undir ágætri stjóm organ-
leikarans, Bjarnar Jakobssonar kennara á Varmalæk, sem á
undanförnum árum hefir mjög eflt kirkjusöng í héraðinu af
frábærum áhuga og dugnaði.
1 Reykholtsprestakalli vísiteraði biskup dagana 15.—17.
júlí. Þar hefir séra Einar Guðnason þegar verið prestur í