Kirkjuritið - 01.01.1960, Blaðsíða 49

Bœkur.
Ásmundur Guömundsson: Frá heimi fagnaðarerindisins. Nýtt
safn. — ísafoldarprentsmiðja 1959.
Eftir tveggja ára prestsskap vestan hafs og tæpra fjögurra
ára á Helgafelli, gaf séra Ásmundur Guðmundsson út prédik-
anasafn með þessu sama nafni. Var hann þá aðeins 31 árs að
aldri. Því safni var mjög vel tekið, og dáðu margir jafnt orð-
færi þess sem efni. Margt hefur drifið á daga höfundar þau
fjörutíu ár, sem síðan eru liðin. Hann var skólastjóri í tæpan
áratug, guðfræðikennari í 26 ár, og biskup síðan í fimm ár.
En sams konar einkenni eru á prédikunum hans og áður, sem
sýnir, hve snemma hann var fastmótaður og víða heima. Ann-
ars væri hlálegt að fara að lýsa þessum starfsþætti Ásmundar
biskups í þessu riti, sem hann hefur stýrt frá upphafi og skrif-
að að miklu leyti, m. a. birt í fjölda prédikana sinna. Allt ritið
*-)er þess vott, hver hann er og hvað hann hefur að bjóða, —
iýsir áhugaeldi hans og tungutaki.
Átta síðustu ræðurnar ætla eg að þyki hvað merkastar, þegar
stundir líða. Þær eru ekki aðeins haldnar á stórum stundum í
lifi biskupsins, heldur þjóðarinnar allrar: Við setningu Alþingis
3-930, Við vígslu Háskólakapellunnar 1940, Við biskupsvígslu
1954, Á Skálholtshátíðinni 1956, Á sjómannadaginn 1959, 17.
iání 1959^ Við biskupsvígslu 1959, Við lok prestastefnunnar
1959.
Hugsum oss, að vér ættum þvílíkar heimildir frá ævidögum
fornra biskupa! Og áður en varir munu komandi kynslóðir
Þakka þessar myndir og telja þær dýran fjársjóð.
Ég vona, að þessari bók verði tekið að maklegleikum, og að
sú ósk og bæn höfundar rætist, að hún beri mönnum „birtu frá
boðskap Krists“.
Einar H. Kvaran: Mannlýsingar. Almenna bókafélagið 1959.
' Einar H. Kvaran: Eitt veit eg. Sálarrannsóknafélag íslands
1959.