Kirkjuritið - 01.01.1960, Page 13
KIRKJURITIÐ 7
tengir þessa tvo heima, sem snertast í barmi þínum, þannig,
að tímans mót öðlast þá fylling, sem heitir eilífð.
IV.
Á þetta gamla, gamla orð erindi við þig, áheyrandi, íslenzka
þjóð, þjóð, sem er svo rík, að hún hefur veitt sér jólagleði og
nýárshug, sem er 5 millj. kr. virði, í áfengi — í höfuðstaðnum
einum? Á þetta gamla, gamla tilboð um að ilfa í Jesú nafni og
undir merkjum hans hljómgrunn innan um púðurhvelli og pípu-
blástur og ölteiti áramótanna, innan um glaum og flas þeirrar
aldar, sem hefur gjört nálega hvert stórt orð innantómt? Er
kirkjunnar slitna orð um Frelsarann Jesúm Krist ekki allt of
hégómlegt ax fyrir þína athafnasömu, auðugu hönd?
Er það samt ekki svo, að þú sért á næstliðnum mannsaldri
búinn að sjá og reyna þau öfl, þær stefnur og lífsskoðanir, þá
tignuðu foringja, sem hafa boðið sig fram í hans stað? Þeir
hétu gimsteinum, það voru sprengjur, þeir hétu frelsi, það var
upplausn fyrst, síðan ánauð, það himnaríki á jörð, sem þeir
hétu, reyndist víti á jörð.
Jesús Kristur gengur enn að nýju í veg fyrir oss, þjóð og
einstaklinga, á áramótum. Það er ekkert annað nafn, sem oss
sé ætlað fyrir hólpnum að verða. Hann hefur hlotið það nafn,
nafn, sem hverju nafni er æðra og hvert kné skal beygja sig
fyrir. Trú þú á Drottin Jesúm og þú munt hólpinn verða og
heimili þitt og land þitt. Amen. Það er vissulega satt. 1 hans
nafni: Gleðilegt ár. Amen.
Sigurbjörn Einarsson.
Eigi maður að lifa iengi, verður maður að lifa hægt. — Cicero.
Þjáningin er enn meiri mótandi en Fidías. — Johannes Edfelt.
Stærilátur maður líkist eggi. Eggið er svo troðfullt af sjálfu sér,
að þar rúmast ekkert annað. — Albert Nimeth.
Þeim, sem hefur engan áhuga á lífi meðbræðra sinna, gengur erf-
iðast að lifa lífinu. — Carnegie.
Það er óhagganlega öruggt, að sá, sem er vondur við dýrin, getur
ekki verið góður maður. — Arthur Schopenhauer.