Kirkjuritið - 01.12.1962, Qupperneq 43

KIRKJURITIÐ
473
foreldrar okkar geislabaug vona sinna um höfuð okkar og sáu
í okkur mynd Jesú-barnsins. Þau vonuðu það, að við myndum
keppa að því að líkjast sem mest Jesú-barninu sem elskuleg og
góð börn, og með aldri sem góðir og fullkomnir þjóðfélagsborg-
arar. Þetta var líka innsta og æðsta þrá okkar Viðborðssystk-
ina, þó að oft liafi kannske út af brugðið er út í lífið var kom-
ið. Þetta er óbreytt enn. Allir góðir foreldrar sjá ímynd Jesú-
barnsins í börnum sínum og keppa að því að leiða þau að þeirri
fyrirmynd yndis og þokka, og öll góð börn vilja keppa að því að
líkjast jóla-barninu, Jesú-barninu, að yndisleik og fullkomn-
un. Og öll góð börn vilja keppa að því að verða góðir menn og
miklir, og vinna að luigsæld lands og þjóðar; alls mannkynsins.
Ouð styrki ykkur í þeim fagra ásetningi.
Hljótið öll blessun drottins.
Því gleymi ég aldrei
Eins og kunnugt er, efndi Ríkisútvarpið, í suniar, til verð'launakeppni
unnnn eftirminnilega atburð'i. Og höfðu margir skemmtun af þeint þátt-
um, er þeir voru lesnir.
í samnefndri bók, sem Kvöldvökuútgáfan gefur út, eru 21 þáttur sama
efnis þ. á m. 4 af útvarpsþáttunum. Við fljótan yfirlestur finnst mér inest
koma til þess skerfs, sem Davíð frá Fagraskógi leggur til bókarinnar. Hann
verður ógleymanlegur sakir efnisviðar og stílsnilldar, þótt endirinn sé ögn
harkalegur.
Ófáir höfundar segja frá dulrænni reynzlu og minnisstæðri forsjá, t. d.
séra Sigurður Einarsson, Eiríkur Sigurðsson, Jocbum M. Eggertsson og
Magnea Magnúsdóttir.
Allar liafa frásagnirnar nokkuð til síns ágætis.
Vcrnd er nafn á riti, sem samnefnd félagssamtök liafa nýlega gefið út. —
Fjórtán höfundar rita þar stuttar greinar um þjóðfélagsmál — einkum
áfengisbölið og hjálparstarf föngum til handa.
Er þetta hið gagnlegasta rit og ekki síður félagsskapurinn, sem síðastliðin
4 ár hefur látið furðu mikið gott af sér leiða.
Nánar verður frá þessu sagt í næsta hefti, að forfallalausu.