Kirkjuritið - 01.04.1973, Side 5

I GATTUM
Efni vort er gamalt: maður, ungur og gamall, sá jarðvegur, sem hann
sprettur úr og nœrist við, sá þroski, sem hann nœr eða fer á mis við í
mennskum heimi, á heimili, í skóla, i kirkju eða á einhverjum örœfum
mannlegs samfélags. Á síðasta ári voru sett ný lög um stofnun og
slit hjúskapar á alþingi fslendinga. Horfur eru á, að ný lög um skóla
og frœðslu nái samþykki á alþingi á þessu ári. Kröfur hafa og komið
fram á alþingi um ný lög og frjálsleg varðandi fóstureyðingar og
fleira. — „Gáttir allar, — áðr gangi fram, — um skoðask skyli, -—
um skyggnask skyli — ." — Sú forna áminning mœtti hitta oss,
kristna menn. Vér œttum að vita öðrum betur, hvað er í húfi. Það
var ekki ófyrirsynju, að rœtt var um kirkju og heimili á síðustu presta-
stefnu. Á þeirri prestastefnu flutti dr. Björn Björnsson, prófessor, er-
indi um fjölskylduna og þjóðfélagið. Það erindi birtist nú í þessu hefti,
— og vissulega er það íhugunar vert.
Heimili og fjölskylda eru gróðurreitir og athvarf andlegu lífi manns.
Hörmulegt er til þess að vita, að grafið sé undan þeim fornu stofn-
unum og einkum þó, ef sjálfur Ijöggjafinn leggur þar hönd að verki.
-— Oss er einnig Ijóst, hversu mikils er vert um skólana og hið þarf-
asta og brýnasta verk, sem þeim er cetlað, kristna frœðslu og kristið
uppeldi. En svo virðist sem einhver hafi sofið á verðinum. Blikur eru
á lofti.
Vér vonum, að hefti þetta veki fáeinar spurningar, sem svara þarf.
Og svörin eru þó löngu fundin og fengin. Kristin trú og kristin kenn-
ing er engin holtaþoka. Þar er allt Ijóst og skýrt, þeim, sem sjá vilja,
a. m. k. að því er varðar hina fornu hornsteina kristins mannlífs. —
Skemmdarverk eru unnin og meira en mál að skyggnast um gáttir,
aður gengið er fram.
G. Ól. Ól.
3