Eimreiðin - 01.07.1933, Síða 102

326
GRÓÐRARSTÖÐIN Á SÁMSSTÖÐUM
eimreiðin
ef mælf er á fjármálaalin nærsýns peningamanns. Hinsvegar
hefur það komið glögt í ljós, að sjálfir akrarnir einir sér geta
skilað ágætum arði, og því sýnir kornyrkjan á Sámsstöðum
það Ijósum rökum, að kornyrkja er ekki aðeins hugsanleg
hér á landi, heldur beinlínis líkleg til að verða arðvænleg.
Túnræktartilraunirnar á Sámsstöðum eru skemra á
veg komnar en bæði fræræktin og kornyrkjan. En eftir nokk-
ur ár má búast við, að þeim verði veitt hvað mest athygli-
Þessar tilraunir eiga að skera úr því, hvernig eigi að undir-
búa óræktaða jörð til túnræktar, hvernig eigi að sá í hana
(sáðmagn, sáðdýpi, völtun o. fl.), hvaða grastegundir og af-
brigði gefa beztan arð, hvort betra sé að nota útlent grasfrm
eða grasfræ af íslenzkum tegundum, hvaða fræblanda reynist
bezt í bráð og lengd, hvaða áburður skuli notaður og hvern-
ig, hvort túnin skuli vera óhreyfð eftir að þau eru komin i
rækt og hvort plægja eigi þau upp öðru hvoru og breyta í
kornakra eða matjurtagarða.
Hér verður ekki gerð grein fyrir þessum tilraunum í ein-
stökum atriðum, enda er ekki tími til þess kominn. En sumt
af þeim er þó þess vert, að því sé mikill gaumur gefinn af
öllum almenningi og það sem fyrst.
Eitt af því er það, sem Klemens kallar forræktun til tún-
ræktar. Það er undirbúningur jarðvegsins undir að verða tún.
Nú er túnræktun okkar svo langt komin, að sáðsléttan er i
þann veginn að ryðja öllum eldri og frumstæðari túnræktun-
araðferðum úr vegi. En kunnum við að gera sáðsléttu, nema
rétt að nafninu til? Oft er landið brotið, gengið frá sléttunni
og sáð sama vorið. Menn vilja líka flýta sér til að ná í jarð'
ræktarstyrkinn sem fyrst. Sumir sá höfrum í nýræktina fyrsta
árið með grasfræinu, skjólsá, eins og þeir kalla það. Þe'r
sem meir vilja vanda sig, sá höfrum í sléttuna fyrsta árið oS
grasfræinu ekki fyr en annað árið, en þá er líka jarðabót-
inni full-lokið.
Þessu vill Klemens á Sámsstöðum láta breyta fullkomleg3*
Og hann hygst geta sannað það með tilraunum eftir fá ar-
að það er hægt að láta kornyrkjuna borga nýræktina, meö-
an verið er að breyta jarðveginum og undirbúa hann fyrir
túnræktina. Og til þess að fá jarðveginn sem beztan á að