Eimreiðin - 01.01.1957, Síða 18

2
EIMREIÐIN
fyrir nokkrum árum, svo sem til verðugrar áminningar og örv-
unar, að gefa fé, sem hann fékk fyrir útgáfurétt, til stofn-
unar sjóði, sem styrkja skyldi íslenzka rithöfunda.
Það verður því að teljast til stórtíðinda, að nýlega hefur
verið stofnaður hér á landi allstór og myndarlegur sjóður
til styrktar skáldum og rithöfundum. En stofnendurnir eru
engir auðkýfingar, heldur rithöfundarnir sjálfir og ríkisút-
varpið. Á árinu 1951 hófust milli rithöfundafélaganna og rík-
isútvarpsins samningar um greiðslu fyrir það efni, sem flutt
hafði verið úr verkum íslenzkra skálda og rithöfunda í meira
en tvo áratugi, án þess að gjald kæmi fyrir. Þeim samningum
lauk loks síðla sumars 1956. Varð það að samkomulagi, að
féð rynni í sjóð til styrktar íslenzkum rithöfundum. Stjórn
sjóðsins er þannig skipuð, að í henni eiga sæti tveir fulltrúar
frá ríkisútvarpinu, einn frá hvoru félagi íslenzkra rithöfunda
og einn skipaður af menntamálaráðherra. Er hann formaður
sjóðstjórnar. í fyrstu stjórn sjóðsins eiga sæti: Dr. Kristján
Eldjárn þjóðminjavörður, skipaður af menntamálaráðherra,
Helgi Sæmundsson ritstjóri, kosinn af Félagi íslenzkra rit-
höfunda, Jakob Benediktsson málfræðingur, kosinn af Rithöf-
undafélagi íslands — og frá ríkisútvarpinu Vilhjálmur Þ.
Gíslason útvarpsstjóri og Andrés Björnsson fulltrúi útvarps-
ráðs.
Hinn 30. desember 1956 var úthlutað úr sjóðnum til
tveggja ljóðskálda, 8.500 krónum til hvors, og mæltist. sjóðs-
stjórn til þess, en gerði það þó ekki að skilyrði fyrir fénu,
að þeir, er það hrepptu, notuðu það til utanfarar. Skáldin,
sem féð hlutu, eru Guðmundur Frímann og Snorri Hjartar-
son. Var úthlutunin gerð heyrin kunn og féð afhent í Þjóð-
minjasafninu, að viðstöddum menntamálaráðherra. Þar fluttu
ræður formaður sjóðsstjórnar og útvarpsstjóri. Snorri Hjart-
arson tók þarna fyrstur manna við fé úr sjóðnum, en Guð-
mundur Frímann hafði ekki getað mætt vegna þess, að ekki
var flugleiði þennan dag milli Akureyrar og Reykjavíkur.
Guðmundur Frímannsson Frímann er fæddur að Hvammi
í Langadal í Austur-Húnavatnssýslu 1903. Hann hefur nú
um langt skeið búið á Akureyri og er þar kennari í handíð.
Út hafa komið eftir hann þessar ljóðabækur: Náttsólir 1922,