Eimreiðin - 01.10.1957, Side 28

260
EIMREIÐIN
Var Skúli í föðurætt sjötti maður frá Guðbrandi biskupi. Móð-
ir Skúla var Oddný Jónsdóttir, bónda Árnasonar, Björnsson-
ar bónda á Laxamýri. Voru þeir feðgar mestu ofurmenni.
Móðir Björns á Laxamýri var Þuríður, dóttir séra Sigurðar
á Grenjaðarstað, Jónssonar biskups Arasonar. Maður Þuríð-
ar, faðir Björns á Laxamýri, var Magnús bóndi í Stóradal
Árnason, bónda þar Pjeturssonar sýslumanns í Dalasýslu,
Loftssonar riddara og sýslumanns á Staðarhóli, Ormssonar
sýslumanns þar, Loftssonar ríka Guttormssonar á Möðruvöll-
um. — Er þaðan auðrakið til fornætta og fjölda landnáms-
manna.
Móðir séra Sigurðar í Hraungerði og konu séra Gísla í
Odda Þórarinssonar á Grund var Jórunn Sigurðardóttir land-
þingsskrifara. Kona Sigurðar landþingsskrifara var Helga Brynj-
ólfsdóttir, sýslumanns Thorlacius á Hlíðarenda, Þórðarsonar
biskups Þorlákssonar. Var Þórður biskup mesti landfræðingur
sinnar aldar á landi hér og mikill gáfumaður. Kona hans
Guðríður var dóttir Gísla Magnússonar á Hlíðarenda, er
kallaður var hinn vísi. Hafði Gísli stundað náttúrufræðinám
í útlöndum og er talinn fyrsti íslendingurinn, sem tekur
sér fyrir hendur náttúrufræðirannsóknir.
III.
Af þessu ættartöluágripi má sjá, að dr. Helgi var af mjög
góðu bergi brotinn. Að honum standa hvaðanæva í báðar
ættir miklir atgervismenn, bæði til sálar og líkama, menn
sem á sínum tíma báru uppi menningu þjóðar vorrar og
lyftu henni á hærra stig.
Dr. Helgi Pjeturss ólst upp með foreldrum sínum í Reykja-
vík. Fór mjög fljótt að bera á sérstæðum eiginleikum hja
honum, ásamt fjölbreyttum gáfum og bókhneigð. í lærðaskól-
ann fór hann árið 1885 og útskrifaðist þaðan árið 1891, rneð
mjög hárri einkunn. Sama ár fór hann í háskólann í Kaup-
mannahöfn, lagði þar stund á náttúrufræði. Sérgreinar þaJ
voru jarðfræði og dýrafræði. Árið 1897 lauk hann þar nánU
með ágætum vitnisburði. Strax að því námi loknu fór hann
til Grænlands í fyrstu rannsóknarför sína og fann þar ýmiS'
legt, sem fyrirrennarar hans höfðu ekki veitt eftirtekt. Voru