Eimreiðin - 01.09.1965, Blaðsíða 35

EIMREIÐIN
231
svo hvalinn, sem í æði sínu þeytir léttibátnum nákvæmlega „sjötíu
°g þvjú fet í loft upp.“ Brotnar báturinn í spón, en svo vel vill
úl, að sögumaðurinn, ásamt tveim öðrum af áhöfninni, lendir á
baki hvalsins. Þar halda þeir sig svo, og eru þó öllu verr á vegi
staddir en Jónas spámaður forðum, þar eð þeir eiga á hættu að
hvalurinn fari í kaf með þá þá og þegar.
heir hafa einkum flugfiska til matar, „við urðum að standa upp-
^ettir og láta þá skella á okkur“; einnig „maukfiski", sem verður
aÖ kallast heldur barnaleg uppáfinning — og loks „sveppaköku“,
gerða úr sveppum þeim, sem vaxa á skrokk hvalsins. Steikarfeiti
urðu þeir sér úti um með því að svíða stór flykki úr baki skepn-
Unnar, sem drapst á fjórða degi ,annaðhvort vegna þess að brotin
Ur bátnum, sem hún gleypti, hafa orðið meltingarfærum hennar
ofraun, eða þá að rengislátið hefur orðið henni að bana. „Við
attum það að minnsta kosti ekki lengur á hættu að hvalurinn
feri í kaf.“
I þeim tveim málsgreinum, þar sem sögunni lýkur, er hafður
hraðinn á. Sögumaður ákveður að synda nokkurn spotta, og kemur
þá auga á rekald — sennilega úr „Parallel Opipedon“ — sem hann
hemur upp á bak hvalsins dauða með aðstoð félaga sinna tveggja.
Gera þeir síðan gróp í hrygg hvalsins, setja þar upp siglu og sigla.
þrem mánuðum liðnum stíga þeir svo á land í Honolulu, eftir
heldur „atburðasnauða siglingu“. Það orðalag er eins eliozkt og
hugsazt getur; þau niðurlagsorð eru söm að gæðum og fram kemur,
þegar förinni, sem lýst er í „Journey of the Magi“ lýkur í hest-
húsinu: staðurinn var, að segja mátti, sómasamlegur.
..Maðurinn, sem var kóngur“ birtist tveim mánuðum síðar en
..Sagan af hvalnum“, og gerðist hún einnig í Suðurhöfum. Þar segir
há skipstjóra nokkrum, Jimmy Magruder .farmanni, sem kominn
er í land, og er frægur fyrir sögur sínar. Einkum er það ein saga,
Sem hann hefur dálæti á, þó að hann auki hana og endurbæti með
..furðulegustu atburðum“ í hvert skipti, sem hann segir hana. Höf-
Undurinn gegnir því hlutverki að velja úr þá atburði, sem haldast
°hreyttir í öllum útgáfum sögunnar, og endursegja hana þannig.
Sú saga hefst á því, að Magruder verður skipreika; seglskip hans
frá síðastliðinni öld brotnar í spón í ofviðri á „því sem næst 22.
gráðu suðlægrar breiddar.“ Sjálfur heldur hann sér á floti á rá.
híokkru síðar — hann man ekki hvað við bar nokkurn tíma — *
rankar hann við sér á fjörusandi á ey einni. Hún reynist vera í