Eimreiðin - 01.05.1969, Page 57

lyre og slagtöj
127
Ljóðaúrvalið og ritstjórn bókarinnar önnuðust rithöfundarnir
Hanne Kaufmann, en hún starfar í skrifstofu danska rithöfundafé-
lagsins, og Tage la Cour, varaformaður félagsins. Bókin er gefin
út af danska rithöfundafélaginu í samvinnu við Lademanns-for-
lag, sem er eitt stærsta bókaforlag í Danmörku um þessar mund-
ir. Mjög er til bókarinnar vandað á allan hátt. Hún er prentuð
á þykkan og góðan pappír, en mörg af ljóðunum eru myndskreytt
og eru sumar myndirnar í litum og taka yfir heilar síður í bók-
inni. Alls eru það rúmlega 30 danskir myndlistarmenn, sem lagt
hafa hönd að verki við skreytingu þessarar hátíðarútgáfu. Bókin
er aðeins gefin út í 1200 eintökum og eru þau öll tölusett.
I sambandi við afmæli rithöfundafélagsins danska var félaginu
vottuð margvísleg sæmd bæði af hinu opinbera og öðrum aðilum.
Því bárust mikill fjöldi árnaðaróska og margar góðar gjafir; þar
á meðal gjafir frá rithöfundasamtökunum í Finnlandi, Færeyjum,
Islandi, Noregi og Svíþjóð, og einnig frá ýmsurn aðilum í Dan-
mörku, t. d. 10 þúsund krónur danskar frá félagi bókaútgefenda og
5 þúsund krónur frá Gyldendals-forlagi.
Lokasamkvæmi afmælishátíðahaldanna var haldið í Royal-
Hóteli sunnudaginn 18. maí og bar því upp á áttræðisafmæli Gunn-
ars Gunnarssonar skálds, og var þess einmitt minnzt við þetta tæki-
færi. Til samkvæmis þessa var boðið um 250 manns, þar á meðal
ýmsum af eldri rithöfundum, sem verið hafa í félaginu um áratugi.
Var elzti veizlugesturinn 91 árs. Það var skáldkonan Adda Ravn-
kjær og minntist hún þess að hafa fyrst komið á fund í rithöfunda-
félaginu árið 1911 og hafi þá aðalræðuskörungur dagsins verið
sjálfur Georg Brandes. Þarna gafst því tækifæri til upprifjunar
gamalla minninga, og þessa glöðu kvöldstund blandaði eldri og
yngri skáldakynslóðin geði, eins og aldursmörk væru máð brott. I.K.