Eimreiðin - 01.09.1971, Page 24

Kynslóð kemur, fer,
keppist maður hver
við erfiði og annir,
átakamenn sannir
eru enn í dag
að yrkja sama brag.
Bústólpi með bú,
bóndi, heitir þú,
æ til heilla hefur
hönd, sem örlát gefur,
ævi þín og önn
eru jafnan sönn.
Landstólpi er land,
leysir vanda-grand,
gulls er landið gildi,
gróska þess og mildi
daglega býður brauð,
beztan sældar-auð.
Nægjusamur naust,
nýtinn fölskvalaust,
gjafa móðurmoldar,
mildi ísafoldar
iðinn upp þú skarst
andlitssveitann barst.